باڤڵ تاڵه‌بانى
1359 جار بینراوە 24/1/2019 12:39 AM

باڤڵ تاڵه‌بانى هه‌ڕه‌شه‌ له‌ پارتى ده‌كات



سنور ميديا 

بافڵ تاڵەبانی لەگەڵ ئەنجومەنی ناوەندی یەکێتی کۆبووەوە و جەختیکردەوە لە هیچ لایەنێکی قبوڵ ناکەین کادریان دەستگیربکات و ئاماژەی بەوەکرد کەرکوک شاری یەکێتییە و هیچ سازشێک لەو پرسەدا ناکەن.


لە راگەیەنراوی کۆبوونەوەی بافڵ تاڵەبانی کورە گەورەی جەلال تاڵەبانی و ئەنجومەنی ناوەندی یەکێتی نیشتیمانی کوردستاندا هاتووە "بافڵ تاڵەبانی جەختیکردووەتەوە چیتر یەکێتی پاشکۆ نابێت و بڕیاری سیاسیشمان سەربەخۆدەبێت".


ڕاگەیەنراوەکە ئەوەشی تێدا هاتووە بافڵ تاڵەبانی دووپاتیکردووەتەوە لە هیچ لایەنێکی قبوڵ ناکەن بە هیچ پاساوێک کادر و لایەنگرانی یەکێتی دەستگیربکات.


بەگوێرەی ڕاگەیەنراوی کۆبوونەوکە بافڵ تاڵەبانی ئەوەشی خستوەتەڕوو "رێکەوتنی سیاسی لەگەڵ ھەموو ھێزەکان دەکەین و ئەوە تاکە مەرجمانە بۆ گفتوگۆکانمان لەبارەی پێکھێنانی حکومەتی نوێی ھەرێم".

 

بافڵ تاڵەبانی ڕوونیشیکردووەتەوە "دڵنیابن پۆستی پارێزگار بۆ کورد دەبێت و یەکێتیش دەبێت کە ئەوە قابیلی ھیچ جۆرە گفتوگۆ وسازشێک نیە ئەوە کۆتایی پێھاتووە".


ناوبراو جەختیکردوەتەوە "کەرکوک شاری یەکێتییە کە ئەمەش لە پێناو ئاسایکردنەوەی دۆخی شارەکە و بوژاندنەوە گیانی برایەتیە لە نێوان کوردو برایانی عەرەبی رەسەن و تورکمان و پێکھاتەکانی ترە کەبۆ ھەموولایەک ئەوە رونبۆتەوە".

 

سەبارەت بە پەیوەندیەکانی یەکێتی لەگەڵ حزبە سیاسیەکانی تر، بافڵ تاڵەبانی لە کۆبوونەوەکەدا جەختیکردووەتەوە "چیتر یەکێتی پاشکۆی ھیچ حزبێک نییە و خاوەنی بڕیاری راست و دروستی خۆی دەبێت و ئەو سەردەمەش تەواو بوو یەکێتی پاشکۆیەتی و پەراوێزی قبوڵ بکات".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure