تره‌مپ
454 جار بینراوە 20/12/2018 11:37 AM

لێدوانى فه‌رمى تره‌مپ له‌سه‌ر كشانه‌وه‌ى هێزه‌كانى ئه‌مريكا له‌ ڕۆژئاوى كوردستان



سنور ميديا 

دۆناڵد ترەمپ سەرۆکی ئەمریکا بەفەرمی کشانەوەی هێزەکانی وڵاتەکەی لە رۆژئاوای کوردستان راگەیاند و ئاماژەی بەوە کرد، پاش سەرکەوتنیان بەسەر رێکخراوی داعشدا لە سوریا، کاتی ئەوە هاتووە هێزەکانیان بکشێننەوە.

لە لێدوانێکی رۆژنامەوانیدا لەبەردەم کۆشکی سپی دۆناڵد ترەمپ رایگەیاند، "بۆماوەیەکی زۆرە لە سوریا شەڕی دژ بە داعش دەکەین و نزیکی دوو ساڵە من سەرۆکی ئەمریکام و هەنگاوی باشم هاویشتووە، ئێمەش یەکەم وڵات بووین کە شەڕی دژ بە داعشمان دەستپێکرد".

 

ئاماژەی بەوەشکرد، بەخراپترین شێوە داعشیان تێکشکاندووە و سەرجەم ئەو ناوچانەیان کۆنتڕۆلکردووەتەوە کە پێشتر لەژێر دەستی چەکدارانی ئەو رێکخراوەدا بوو، بۆیە کاتی ئەوە هاتووە هێزەکانی ئەمریکا بگەڕێنەوە وڵاتەکەیان.

 

دۆناڵد ترەمپ سەربازانی ئەمریکای بە گەورەترین قارەمانانی وڵاتەکەی و جیهان لە قەڵەمدا و رایگەیاند، بە دڵنیاییەوە شانازییان پێوەدەکات بەڵام گومان لەوەدا نیە کە هەستی بە ئازارێکی زۆر کردووە کاتێک یەکێک لەو سەربازانە لە شەڕی دژ بە داعشدا کوژراوە و دواتر بە نامەیەک کەسوکار و بنەماڵەکەی لە کوشتنی رۆڵەکەیان ئاگادار کردووەتەوە.

 

سەرۆکی ئەمریکا دووپاتیشیکردەوە، سەربازانی ئەو وڵاتە دژی رێکخراوێک جەنگاون کە زیانی بە سەرتاسەری جیهان گەیاندووە بۆیە گەلی ئەمریکا و سەرجەم گەلانی جیهان شانازییان پێوەدەکەن.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure