سنور ميديا
953 جار بینراوە 16/10/2018 01:28 PM

مه‌سعود بارزانى له‌سه‌ر 16ى ئۆكتۆبه‌ر په‌يامێكى توندى بڵاو كرده‌وه‌



سنور ميديا 

مەسعود بارزانی ڕایگەیاند روداوەکانی شانزەی ئۆکتۆبەر ئەنجامی بوونی دەستێکی ناۆاکبوو لە ناوخۆی کورددا و سوکایەتیکردن بوو بە خوێنی شەهیدان.


مەسعود بارزانی سەرۆکی پارتی دیموکراتی کوردستان لە ساڵیادی ڕوداوەککانی سانزەی ئۆکتۆبەردا پەیامێکی بڵاوکردەوە و تێیدا هاتووە "شازدەی ئۆكتۆبەر ڕۆژێكی تاریكە لە مێژووی میلەتەكەمان، لەو ڕۆژەدا بوو كە خیانەتی نامەردانە، لە ئومێد و ئاواتەكانی گەلێكی مەزڵووم كرا، بەهۆی دەستێكی ناوخۆییەوە یارییەكی بێویژدانانە بە چارەنووسی گەلەكەمان كرا و ئەو خاكەی بە خوێنی هەزاران ڕۆڵەی ئەم نیشتیمانە پارێزرا بوو لە چوارچێوەی پیلانێكدا كەوتە ژێر داگیركاری و كاولكاری و سووكایەتیكردن بە پیرۆزییەكانی گەلی كوردستان".


لە پەیامەکەدا بارزانی ئاماژەی بەوەشکردووە "ئەو پیلانە نەگریسە، سووكایەتی بوو بە سەد ساڵ خەبات و قوربانیدانی گەلەكەمان. سووكایەتیكردن بوو بە خوێنی شەهیدان و ئەو پێشمەرگە قارەمانانەی لە شەڕی تیرۆریستانی داعشدا كەركووك و ناوچە كوردستانییەكانی تری دەرەوەی ئیدارەی هەرێمیان پاراست و لە جیاتی هەموو مرۆڤایەتی شەڕی تیرۆریان دەكرد".


بارزانی ئەوەشی باسکردووە " ئێمە پێشبینیی هەموو ئەگەرێكمان كردبوو، بەڵام هەرگیز چاوەڕوانی ئەوە نەبووین دەستێكی ناوخۆیی بەمشێوەیە خەنجەر لە پشتی گەلی كوردستان بدات".


لە راگەیەنراوەکە ئەوەش هاتووە " ئامانجی شازدەی ئۆكتۆبەر، نەهێشتنی كیانی هەرێمی كوردستان و بێماناكردنی مافەكانی گەلی كوردستان بوو".

 

ئەمڕۆ ساڵێک تێدەپەڕیت بەسەر ڕوداوەکانی شانزەی ئۆکتۆبەردا کە هێزەکانی پێشمەرگە کورکوک و ناوچە جێناکۆکەکانیان جێهێشت و بەو هۆیەشەوە دانیشتوانی ئەو ناوچانە ئاوارە بوون و مەلەفی ئەمنی ناوچەکە کەوتە دەست سوپای عێراق و میلیشیا چەکدارە شیعەکان.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure