سنور ميديا
1059 جار بینراوە 14/9/2018 02:12 PM

د.محەممەد سابیر له‌سه‌ر كشانه‌وه‌ له‌ پۆستی سەرۆککۆمار ڕوونكردنه‌وه‌ ده‌دات



سنور ميديا 

د. محەممەد سابیر، بەربژێری ئەنجوومەنی ناوەندی یەکێتی بۆ سەرۆککۆماری عێراق رەتیدەکاتەوە بڕیاری کشانەوەی دابێت لە بەربژێربوونی بۆ سەرۆککۆماری عێراق.

 

دوای ئەوەی هەنگاوەکانی رێککەوتن و نزیکبوونەوەی هاوپەیمانی و یەکێتی چڕبوونەتەوە، دەنگۆی کاندیدکردنی د.بەرهەم ساڵح لەلایەن یەکێتیەوە بۆ پۆستی سەرۆککۆمار زیاتر لە جاران باسدەکرێت و ئەوەش بڵاوکراوەتەوە کە د.محەممەد سابیر لە بەرژەوەندی بەرهەم ساڵح لە بەربژێربوون بۆ ئەو پۆستە کشاوەتەوە.

 

د. محەممەد سابیر بە تۆڕی میدیایی رووداوی راگەیاند، ئەو شتانەی لە تۆڕە کۆمەڵایەتییەکان بەناوی من بڵاوکراونەتەوە راستنین و ئەو ئەکاونتانە ساختەن، من بڕیارمنەداوە بکشێمەوە و بڕیاری واشنادەم. بەڵکو چاوەڕێی بڕیاری مەکتەبی سیاسی یەکێتی نیشتمانی کوردستانم، بۆ بڕیاردان لەبارەی بەربژێری کۆتایی یەکێتی نیشتمانی کوردستان بۆ پۆستی سەرۆککۆماری عێراق.

 

محەممەد سابیر، ئاوەڵزاوای مام جەلال زیاتر لە دوو مانگە رێوشوێنەکانی کاندیدبوونی تەواوکردووە و لەلایەن ئەنجوومەنی ناوەندەوە کاندیدکراوە و تەنیا رەزامەندی سەرکردایەتیی یەکێتی ماوە. ئەو لە ئێستاوە کارنامە و پلانی بۆ چوار ساڵی ویلایەتەکەی داڕشتووە و بەلای خۆشییەوە چانسی زۆری ھەیە کە بە فەرمی ببێتە پاڵێوراوی حیزبەکەی.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure