.
256 جار بینراوە 6/9/2018 02:23 PM

ئاماری قوربانییەکانی بەسرە ئاشکرا کرا



سنور میدیا

دەستەی مافی مرۆڤی عێراق رایگەیاند، لە خۆپیشاندانەکانی چەند رۆژی رابردووی بەسرە نۆ کەس کوژراون و زیاتر لە 90 کەسی دیکەش برینداربوون.


ئەمڕۆ لە چەند ناوچەیەکی پارێزگای بەسرە خۆپیشاندان دەستیپێکردەوە. ئەوە لەکاتێکدا شەوی رابردوو بەهۆی گرژی و ئاڵۆزی نێوان خۆپیشاندەران و هێزە ئەمنییەکان دوو خۆپیشاندەر کوژران و 14ی دیکەش برینداربوون.

 

هەروەها سەعد حەدیسی، وتەبێژی نووسینگەی سەرۆکوەزیرانی عێراق رایگەیاند، ئەگەری هەیە لە چرکەساتێکدا فەریق جەمیل شەممەری، فەرماندەی ئۆپەراسیۆنەکانی بەسرە لە پۆستەکەی دووربخرێتەوە.



حەدیسی ئاماژەی بەوەکرد، فەرماندەی گشتی هێزە چەکدارەکان پێویستی بە هەڵسەنگاندن و وورد و کۆتایی هەیە، بۆ ئەوەی بەپەلە بڕیار نەدات، گۆڕینی فەرماندە ئەمنییەکانیش بەتایبەتی لەو کاتەدا، کێشە دروستدەکات و، لە بەرژەوەندی دۆخی گشتی ئەمنی نییە.



یەکێک لە داواکارییەکانی خۆپیشاندەرانی بەسرە دوورخستنەوەی فەرماندەی ئۆپەراسیۆنەکانی بەسرەیە و تۆمەتباری دەکەن بەوەی بەرپرسە لە کوشتنی خۆپیشاندەرانی، بەهەمانشێوە هاوپەیمانی سائیروون-یش داوای دوورخستنەوەی شەممەری کردووە. 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure