سنور ميديا
519 جار بینراوە 21/6/2018 10:59 PM

شەش لایەنە ناڕازیەکەی هەڵبژاردن هەڵوێستی خۆی لەسەر بڕیارەکەی دادگای فیدراڵی ڕاگەیاند



سنور ميديا 

شەش لایەنی ناڕازی لە ئەنجامی هەڵبژاردنەکان دوای کۆبوونەوەیان لە سلێمانی داوا دەکەن "ئەو دادوەرە بەڕێزانەی کە بڕیارە سەرپەرشتی کارەکانی کۆمیسیۆن بکەن بێ لایەنانە کارەکانیان ئەنجام بدەن و ئەو ڕێگریانەی هەتا ئێستا هەبووە لە چاودێریکردنی ووردی پڕۆسەکە نەهێڵدرێن و ڕێکارەکانی تایبەت بە ئەژمارکردنەوەی دەستی دەنگەکان وەک خۆی جێبەجێبکرێن".

 

ده‌قی راگه‌یه‌ندراوه‌كه‌:

 

دوا بەدوای ڕاگەیاندنی ئەنجامی هەڵپژاردنەکان ۱۲ی ٥ و دەرکەوتنی گزیکاری، ساختەکاری و دزینی دەنگی خەڵک، ئێمە لە شەش لایەنی گۆڕان، یەکگرتوو، هاوپەیمانی، کۆمەڵ، شیوعی و بزوونتنەوەی ئیسلامی سەرلەبەری ئەنجامەکانمان ڕەتکردۆتەوە و داکۆکیکار و پارێزەری دەنگی خەڵک بووین و هەوڵەکانمان سەرەنجام سەرکەوتنی بەدەستهێنا و گەیشتە هەمووارکردنەوەی یاسای (٤٥)ی ۲۰۱۳ و بڕیاری دادگەی فیدڕاڵی عێراق و بە شەرعی ناساندنی هەمووارەکە و بژاردنەوەی تەواوی دەنگەکان بە دەست.

 

لە ڕووانگەی ئەوەی کە خۆمان بە پارێزەری یاسا و دەنگی خەڵک دەزانین، ڕێز لە بڕیاری دادگەی فیدڕاڵی دەکەین بە بڕیاری بژاردنەوەی دەنگی هێزی پێشمەرگە و هێزەکانی ناوخۆ و تاراوگە و ئاوارەکانیشەوە، بۆ ڕێزگرتنیش لە بڕیاری دادگەی فیدڕاڵی عێڕاق و هەمووارکردنەوەی یاسای (٤٥)ی ۲۰۱۳، ئێمە چاودێری بژاردنەوەی دەستی دەنگەکای دەنگدەران دەکەین لە کاتێکدا بە ڕای گشتی و خەڵکی کوردستان ڕادەگەیەنین کە سندوقەکانی دەنگدان لە ماوەی ڕابووردوو دا وەک پێویست لە ژێر چاودێری بریکارەکانی ئێمەدا نەبوون بە هۆکاری ڕێگری لە بریکارەکان و هەڵکەوتە و چۆنیەتی هەڵگرتنی سندوق و کەرەستەکانی دەنگدان.

 

لە کۆتاییدا ئومێد دەکەین ئەو دادوەرە بەڕێزانەی کە بڕیارە سەرپەرشتی کارەکانی کۆمیسیۆن بکەن بێ لایەنانە کارەکانیان ئەنجام بدەن و ئەو ڕێگریانەی هەتا ئێستا هەبووە لە چاودێریکردنی ووردی پڕۆسەکە نەهێڵدرێن و ڕێکارەکانی تایبەت بە ئەژمارکردنەوەی دەستی دەنگەکان وەک خۆی جێبەجێبکرێن.

 

(بزووتنەوەی گۆڕان، یەکگرتووی ئیسلامی کوردستان، هاوپەیمانی دیموکراسی و داپەروەری، کۆمەڵی ئیسلامی کوردستان، حزبی شیوعی کوردستان، بزووتنەوەی ئیسلامی کوردستان).

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure