نیكی هایلی
211 جار بینراوە 20/6/2018 10:25 AM

هایلی: ئەمەریكا لە ئەنجومەنی نێودەوڵەتی مافەكانی مرۆڤ كشاوەتەوە



سنور ميديا 

نوێنەری ویلایەتە یەكگرتووەكانی ئەمەریكا لە نەتەوە یەكگرتووەكان رایگەیاند، وڵاتەكەی لە ئەنجومەنی مافەكانی مرۆڤی سەر بە نەتەوە یەكگرتووەكان كشاوەتەوە.

 

بەپێی رۆیتەرز، نیكی هایلی لە لێدوانێكی رۆژنامەوانیدا رایگەیاندووە، "ئەمەریكا لە ئەنجومەنی مافەكانی مرۆڤی سەر بە نەتەوە یەكگرتووەكان كشاوەتەوە، ئەوەش دوای ئەوەی هیچ وڵاتێكی دیكەی ئەنجومەنەكە ئامادە نەبوون ئازا بن و بەشدار بن لە شەڕەكەماندا لە پێناو چاكسازی لەو ئەنجومەنە دووڕوو و خۆپەرستەدا".

 

هایلی ئاماژەی بەوەشكردووە، "بەم كارەی ئێمە، دەمەوێت بەتەواوەتی ڕوونی بكەمەوە كە ئەم هەنگاوە گەڕانەوە نیە لە پابەندبوونمان بە مافەكانی مرۆڤەوە".

 

هاوكات بۆریس جۆنسن، وەزیری دەرەوەی بەریتانیا وەكو كاردانەوەیەك بۆ ئەم بڕیارەی ئەمەریكا رایگەیاندووە، "بەداخەوە".

 

وەزیری دەرەوەی بەریتانیا ئاماژەشی بەوەكردووە، پشتیوانی وڵاتەكەی بۆ ئەنجومەنەكە هێشتا جێگیرە.

 

جۆنسن لە راگەیەندراوێكدا وتی، "ئەو راستیەمان نەشاردەوە كە بەڕیتانیا دەیەوێت چاكسازی لە ئەنجومەنی مافەكانی مرۆڤدا بكرێت، بەڵام ئێمە پابەندین بە كاركردنەوە بۆ بەهێزكردنی ئەنجومەنەكە لە ناوەوە".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure