شاسوار عەبدولواحید
2463 جار بینراوە 27/4/2018 12:50 AM

شاسوار عەبدولواحید بازرگانێکی تاقیکراوە؛ درۆزنێکی سەلمێنراو



د.محەمەد عەلی؛ سەرۆکی ژوری توێژینەوەی سیاسی بزوتنەوەی گۆڕان

 

ئەمشەو بازرگانێک بەبێ ھیچ باکگراوندێکی فکری‌و سیاسی‌، بەڵام بەڕابردویەکی سەرنەکەوتوی ئابوریەوە، بەشێوازێکی زۆر سەتحی‌و بەبێ هیچ قوڵاییەک وتاری دەداو زوزو پەلاماری گۆران دەداو دەیوت؛ دەنگ مەدەن بەو هێزانەی تاقیکراونەتەو بۆیەکجاریش بێت تاقیمانبکەنەوە! بەڵام، بەڕێز تۆ تاقیکراویتەتەوەو لەتاقیکردنەوەکەشدا دەرنەچویت، بەم بەڵگانەی خوارەوە:

 

یەکەم: لە بەڕێوەبردنی پرۆژەیەکی وەبەرهێنان، فێڵت لە نزیکەی نۆ ھەزار خاوەن پشک کردوەو سەدان گلەیی‌ هەیە‌و دەیان سكاڵات لەسەر تۆمارکراوە.

 

دووەم: قەرزاری دەیان خاوەن کاری گەورەو بچوک و بەڵێندەرو کرێکارو کارمەندیت.

 

سێیەم: موچەی پرۆگرامێکی تەنزئامێزی عەرەبی (بەشیرشۆ) قەرزداریت، لە ئێستاشدا پێشکەشکاری پرۆگرامەکە لەکەناڵەكانەوە بەئاشكرا‌و بەشێوازێکی گاڵتەجاڕیانە رەخنە لەخۆت و پرۆژەو کارو چالاکیەکانت دەگرێت.

 

چوارەم: لە پرۆژە نیشتەجێبوەکانتا، سەدان ناڕەزایی و گلەیی ھەیە.

 

پێنجەم: لە رۆژی ٢١_۱۱_۲٠۱۷ لەنوسینێکدا، بەناونیشانی: ماڵئاوا ئێن ئاڕتی...نالیا، نوسیوتە: ئەم دو دامەزراوەیەم فرۆشتوە بە دو کۆمپانیای بیانی بەبێ ناوھێنانی کڕیار! دواتر بە تێپەربونی کات دەرکەوت، ئەمە جگە لە چەواشەکاریەکی گەورە ھیچی دیکە نەبوو!.

 

شەشەم: چەند کەسایەتیەکی دیاری جوڵانەوەکەت دەست لەکاربکێشنەوە، بەڵام بە جاسوس و سیخور ناوزەدیان بکەیت!

 

حەوتەم: لەڕوی میسداقیەتەوە وتت: ناچین بۆ بەغداد تاپاش ھەڵبژاردن، بەڵام چویت!
هەشت: وتت ھاوپەیمانی لەگەڵ ھیچ ھێزێک ناکەین، بەڵام لەگەڵ تەڤگەری ئازادی و بەرەی دیموکراسی گەل کردت! نۆ: وتت مالیکی چیە ببینم، بەڵام سەردانت کردوو بینیت!

 

دە: لە بەرنامەیەکدا وتت: سیاسەت ناکەم‌و لە هەرێمی کوردستاندا بەڕێگەی مەدەنی حیزب ناتوانێ گۆڕانکاری بکات‌و هەرگیز حیزب دروست ناکەم، بەڵام دواتر بویتە سەرۆکی حیزب!

ئەمە مشتێکە لە خەروارێک، ئەمانە کەمێکن لەنمونەی ئەزمونەکانت، ئیتر بۆ تاقیبکرێیتەوە؟ لەم چوارچێوە سنوردارەی کە لەژێر دەسەڵاتتدایە ئەو ھەمو ھەڵە کوشندەو ناھەقیانەت کردبێت، ئەی ئەگەر سبەی تێکەڵ بە بواری سیاسی و حکومرانی ببیت چیدەکەیت؟

 

گۆڕان لە پرۆسەی حکومڕانی عێراق‌و هەرێمی کوردستان تاقیکراوەتەوەو تاڕادەیەکی باشیش سەرکەوتوبوە. دەتوانن ئەم موزایەدە بێمانایە ڕاگرن‌و چیتر بە ڕەهایی‌و گشتگیری لەسەرهەمو لایەنەکان قسەنەکەن.

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure