هیزەر نوێرت
3230 جار بینراوە 7/2/2018 02:21 PM

ئەمریکا په‌يامێكى هه‌ڕه‌ش ئامێز ئاراستەی تورکیا کرد



سنور ميديا 

وتەبێژی وەزارەتی دەرەوەی ئەمریکا ڕایگەیاند، کە پێویستە تورکیا کۆتایی بە دۆخی نائاسایی بێنێت و زیندانیانی سیاسی ئازاد بکات.

 

هیزەر نوێرت، وتەبێژی وەزارەتی دەرەوەی ئەمریکا لە کۆنگرەی ڕۆژنامەنووسی ڕۆژانەیدا باسی نالەباربوونی ئازادیی ڕادەربڕینی لە تورکیادا کرد.

 

هیزەر نوێرت وتی: لە نزیکەوە بەدواداچوون دەکەین بۆ دۆخی تەنەر کیلیچ، سەرۆکی لقی تورکیای ئامنستی ئینتەرناشناڵ، هەروەها پارێزەرانی مافی مرۆڤ، ڕۆژنامەنووسان و سیاسەتەمەدارە زیندانییەکان لە تورکیادا.

 

لە بەردەوامیشدا وتی: بەردەوامبوونی دۆخی نائاسایی لە تورکیادا زیانی زۆری گەیاندووە بە ئازادی ڕادەربڕین لەو وڵاتەدا و ئەوەش ئێمەی نیگەران کردووە، ڕێکس تەیلەرسن، وەزیری دەرەوەی ئەمریکا دەچێتە تورکیا بۆ بەدواداچوون بۆ ئەم پرسە.

 

لە بەشێکی دیکەی قسەکانیشیدا وتوویەتی: پێویستە حکومەتی تورک کۆتایی بە دۆخی نائاسایی بێنێت و گیراوە سیاسییەکان ئازاد بکات، چونکە حکومەتی تورکیا لە ئاستی ناوخۆ و نێودەوڵەتیدا بەرپرسیارە لەو بارەیەوە.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure