شێرکۆ کرمانج
545 جار بینراوە 13/1/2018 09:49 PM

توێژینەوەی کوردێک وەک سەرچاوە لە زانکۆی کامبریج بەکاردەهێنرێت



سنور میدیا

توێژینەوەی شێرکۆ کرمانج لە وانەی "The Politics of Conflict and Peacebuilding"، واتە پۆلیتیکی ململانێ‌ و ئاشتیسازی، کە وانەیەکی بەشی سیاسەت‌ و پەیوەندییە نێودەوڵەتییەکانە لە زانکۆی کامبریج وەک سەرچاوە بەکاردەهێنن.

 

شێرکۆ کرمانج لە لێدوانێکدا ڕایگەیاند، لە وانەی"The Politics of Conflict and Peacebuilding"، واتە پۆلیتیکی ململانێ‌ و ئاشتیسازی، کە وانەیەکی بەشی سیاسەت‌ و پەیوەندییە نێودەوڵەتییەکانە لە زانکۆی کامبریج، کە یەکێکە لە زانکۆ یەکەمەکانی جیهان، بابەتێکیان وەک سەرچاوە بۆ قوتابییەکان لە لیستی سەرچاوەکان داناوە.

 

وتیشی"بابەتەکە بە ناوی "Kurdish Integration in Iraq"، واتە ئامێزانی کورد لە عێراق، کە بەشێکە لە کتێبێک بە ناوی "Kurdish Awakening: Nation Building in a Fragmented Homeland"، کە پرۆفیسۆر ئۆفرا بێنگیۆ ئامادەی کردوە و پێشەکی بۆ نوسیوە".

 

لە کۆتایدا ئاماژەی بەوەدا، ئەمە یەکەم بابەتم نیە کە لە زانکۆکانی جیهان وەک سەرچاوە بەکارهاتووە، تا ئێستا دوو بابەتی دیکەم کەڵکیان لێوەرگیراوە، یەکێکیان بابەتێکە بە ناوی Kurdish History Textbook کە لەلایەن زانکۆی جۆرج مەیسن لە ئەمریکا و ئەوەی دیکە بە ناوی Engineering Conferalism in Iraq کە لەلایەن زانکۆی بۆستن لە ئەمریکا وەک سەرچاوە بەکاردێت.

 

شێرکۆ کرمانج دکتۆرای لە خوێندنە نێودەوڵەتییەکان لە زانکۆی ساوس (باشوری) ئوسترالیا بە دەست هێناوە، بەڕێوەبەری پرۆگرامی پەرەپێدانی توانای مرۆیی بووە لە وەزارەتی خوێندنی باڵای هەرێم، وانەی لە کۆلێژی یاسا و سیاسەت وتووەتەوە لە زانکۆی سەڵاحەدین لە هەولێر،  ئێستاش مامۆستایە لە زانکۆی ئوتارا لە مالیزیا.

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure