هەڵبژاردنەکانی عێراق و کوردستان
459 جار بینراوە 12/1/2018 01:32 PM

هاوپەیمانییەکان لە هەڵبژاردنەکانی عێراق و کوردستاندا



سنورمیدیا - ڕاپۆرت

 

وا بڕیارە لە مانگى ئایاری ئەمساڵدا هەڵبژاردنەکانى عێراق بۆ پەرلەمان و ئەنجومەنى پارێزگاکان ئەنجامبدرێن.دوێنێ پێنجشەممە  ١١ی کانوونی دووەم ئەو وادەیە تەواوبوو، کە کۆمسیۆنی سەربەخۆی هەڵبژاردنەکانی عێراق دیاریکردبوو بۆ هێز و لایەنە سیاسییە عێراقییەکان بۆئەوەی هاوپەیمانێتییەکانیان پێشکەش بکەن بۆ مۆڵەتی بەشداریکردن لە هەڵبژاردنی داهاتووی پەرلەماندا.

 

  هەتا ئێشتا چەند هاوپەیمانییەکی گرنگ و ئاشکرا بووە، ناکۆکی نێوان مالکی و عەبادیش با ئاشکرا لەسەر شێوازی بەشداری وجۆری هاوپەیەمانییەکان هەستیپێدەکرێت، پێدەچێت عەبادی نەچێتە هاوپەیمانییەکەی مالکییەوە و بەجیا لە دەوڵەتی یاساو حیزبی دەعوە بەشداری هەڵبژاردن بکات، ئەمەش کێبڕکێی هەڵبژاردنەکان قورس دەکات.

 

ئەمەش لە کاتێکدایە لە ماوەى دوو ڕۆژى ڕابردوودا چەند زانیارییەک ئاشکرابوون کە ئاماژەیان بەوە دەکرد حەیدەر عەبادی گفتوگۆی لەگەڵ لایەنێکی ناو حەشدى شەعبی کردووە بۆئەوەى پێکەوە لە دەرەوەى لیستى دەوڵەتی یاسا لیستێک بۆ هەڵبژاردنەکان پێکبهێنن.

 

تاوەکو ئێستا کۆمیسیۆنی هەڵبژاردنەکان ژمارەی نوێی هاوپەیمانییەکانی رانەگەیاندووە، بەڵام پێش کۆتاییهاتنی وادەکە بە رۆژێک کۆمیسیۆن ئاشکرایکرد 27 هاوپەیمانی داوایان بۆ تۆمارکردنی ناویان پێشکەش کردووە.

 


ئەو هاوپەیمانیانەی تاوەکو ئێستا ئاشکرابوون:

- هاوپەیمانی دەوڵەتی یاسا بە سەرۆکایەتی نووری مالیکی، کە حزبی دەعوە و چەند لایەنێکی سیاسی تێدایە. 



- هاوپەیمانی فەتح بە سەرۆکایەتی هادی عامری، کە لە چەندین پارتی سیاسی پێکهاتووە، دیارترینیان رێکخراوی بەدر و ئەنجوومەنی باڵای ئیسلامی و عەسائیب ئەهلی حەق و بەشێک لە هێزەکانی حەشدی شەعبییە.



- هاوپەیمانی وەتەنییە بە سەرۆکایەتی ئەیاد عەللاوی و بە ئەندامێتی 11 لایەنی سیاسی.



- هاوپەیمانی سائیرون(شۆيشگێڕان) بە رابەری موقتەدا سەدر.



- هێشتا هاوپەیمانییەکەی حەیدەر عەبادی، سەرۆکوەزیرانی عێراقئاشکرانەکراوە. سەرچاوەکان باس لە ڕاگەیاندنی لیشتێکی نوێی دەکەن لەلایەن عەبادییەوە بەناوی (سەرکەوتن).

 

چارەنوسی کەرکوک لە نێوان هاوپەیمانی کورد و عەرەبدا

لەهەموو ئەمانە گرنگتر عەرەبەکان بە سەرۆکایەتی ڕاکان سەعید، پارێزگاری بەوەکالەتی ئێستای کەرکوک، هاوپەیمانییەکیان بە ناوی "هاوپەیمانی عەرەبی لە کەرکوک" ڕاگەیاندووە. بە پێچەوانەوە کوردەکان لە کەرکوک بەیەک لیست بەشداری هەڵبژاردنەکان ناکەن، گۆڕان و کۆمەڵ و هاوپەیمانی، بەجیا لە یەکیتی وپارتی لیستی هاوبەشیان ڕاگەیاندووە، سەرۆکایەتی لیستی کەرکوک بە گۆڕان و پارێزگای دیالە بە کۆمەڵ و سەلاحەدینش بە هاوپەیمانی دراوە، بەهۆی ڕووداوەکانی ١٦ ئۆکتۆبەرەوە پێدەچێت زۆرینەی دەنگەکانی یەکێتی و پارتی بۆ ئەم هاوپەیمانییە بچێت.

 

هاوپەیمانیەکان لە هەرێمی کوردستان

 

لە کوردستانیش هەتا ئێستا یەک هاوپەیمانی ڕاگەیاندراوە کە ئەوانیش گۆڕان و کۆمەڵ و هاوپەیمانیین، بەیەک لیست لە ناوچە جێناکۆکەکانیش جیا لە پارتی و یەکێتی بەشداری هەڵبژاردەنەکان دەکان.

 

بەڵام هەتا ئێستا یەکگرتوویی ئیسلامی خۆیی یەکلایی نەکردۆتەوە، نە بۆ بەرەی  گۆڕان و کۆمەڵ و هاوپەیمانی، نە بۆ بەرەی یەکێتی پارتی، زۆرێک لەشارەزایان وای بۆدەچن کە یەکگرتوویی ئیسلامی بە تەنیا و بەیەک لیست بەشداری لە هەڵبژاردەنەکان بکات.

 

هەرچی یەکێتی و پارتیشە یەکترتێگەیشتنی دوولایەنەیان هەیە، بۆ ئەوەی بەیەک لیست بەشداری بکەن، کە بەدڵنیاییەوە ئەمە لە بەرهژەوەندی یەکێتییە، چونکە بەتەنیا پێشبینی دەکرێت ڕێژەی دەنگەکانی زۆر دابەزێت، بەڵام لەگەڵ پارتیدا شکستەکەی دەرناکەوێت.

ه . ر

 

 

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure