ڕۆژئاوای کوردستان
2414 جار بینراوە 26/11/2017 01:11 PM

ئەمریکا و رۆژئاوای کوردستان



نوسینی: مەجید ساڵح

پێشەکی

لە چەند رۆژی رابردوودا تورکیا و ئەمریکا دوو گێڕانەوەی جیاوازیان سەبارەت بەو پەیوەندییەی نێوان ترامپ و ئەردۆغاندا بڵاو کردەوە. چاوش ئۆغلۆی وەزیری دەرەوەی تورکیا رایگەیاند کە سەرۆکی ئەمریکا راشکاوابە بە ئەردۆغانی وتووە کە ئەوان چیتر چەک بە YPG نادەن و لەسەر ئەوەش رێکەوتوون کە دژی هەموو جۆرە ترۆرێک دەوستنەوە.
کەچی بڵاوکراوەکەی کۆشکی سپی دەڵێ سەرۆک تراپب بە ئەردۆغانی وتووە دەستیان کردوە بە هەموارکردنی پشتیوانی کردنی شەریکەکانیان لە سەر خاکی سوریا.

تێڕوانینی کوردەکانی باشور  بۆ ئەم دۆخە 
لە هەرێم و لای کوردەکانی باشور ئەم مەسەلەیە وەک هەمیشە بە سۆز و حەز ودور لە ئەقڵ بە دوو جۆر لێکدرایەوە، ئەوانەی دژی ئەزموونی رۆژئاوان قسەکانی ئۆغلۆیان زەق کردەوە، ئەوانەشی هیوایان بەو ئەزموونە هەیە بە حەز و ئارەزوو وی خۆیان وایان لێکدایەوە کە ئەمریکا پشتی کوردەکانی رۆژئاوا بەرنادات و ئەو خوێندنەوەی تورکیا بۆ پەیوەندییەکەی هەردوو سەرۆک هەڵەو چەواشەکاریی تێکراوە.

  ترسی ئەمریکا لە سەرکێشیەکانی تورکیا
بەڵام سیاسەتمەدارەکانی رۆژئاوای کوردستان واقع بینانە و دوور لە حەز و ئارەزوو لێکدانەوەیان بۆ ئەو پەیوەندییە کرد، ئەوان دەزانن یارییەکە زۆر گەورە و مەترسیدارە و تورکیا بۆ ترساندنی ئەمریکا تارادەی ئاشت بوونەوە لە گەڵ بەشار ئەسەددا دەچێتە پێشەوە، ئەمریکاش لەو هاوپەیمانیێتیە (روسی و تورکی و ئێرانیە) دەترسێ و دەزانێ بەرژەوەندییەکانی دەکەونە مەترسییەوە؛ بۆیە ئەمریکا ئامادەیە لە گەڵ تورکەکاندا هەندێ موخازەلە بکات و گومانیش لەوەدا نییە ئەو موغازەلەیە لە سەر حسابی کورد دەبێ گەر کورد وشیارانە مامەڵە لە گەڵ دۆخەکەدا نەکات.

سەرکردەکانی ڕۆژئاوا و تۆڕێکی فراوانی پەیوەندیکردن

هەر لەبەر ئەوەیە سیاسەتمەدارەکانی رۆژئاوا هەموو هێلکەکانیان نەخستووەتە سەبەتەی ئەمریکاوە و پەویوەندی توندو تۆڵیان لە گەڵ روسیا هەیە و لە گەڵ یەکێتی ئۆروپا و فەرەنسا لە پەیوەندیدان و لە گەڵ بەشار ئەسەدیشدا نەیانگەیاندوەتە رادەی خوێن رشتن و بایی ئەوەش خۆیان پڕ چەک و ئامادەکردوە بەلای کەمەوە چەند منگێک بجەنگن و سەربەرزانە بەرگری لە هەرێمەکەیان بکەن.

  ئایا ئەمریکا جیدییە لە نزیک بوونەوە لە گەڵ تورکیا، ئاخۆ تورکەکان متمانەیان بە ئەمریکا ماوە؟
بەڕای بەندە تاڵە مووی پەیوەندییەکانی تورکیا وئەمریکا هەر ماوە ونەپساوە، بەڵام ئەو گوریسەی کە ئەردۆغان لە گەڵ پوتین چنیویەتی وای کردوە ئەمریکییەکان چیتر خێر لەو تورکیایە نەبینین کە بەدرێژایی ٥٠ ساڵی جەنگی سارد پشتیوانیان لێکرد.. جگە لەوە تاکە جێگەی نفوزی ئەمریکا و وڵاتانی وەک سعودیە و ئیمارات لە سوریا ناوچە کوردی و سوونیەکانی باکوری سوریایە، سیاسەتمەدارەکانی رۆژئاوای کوردستان لەمە باش تێگەیشتوون و لە پاڵ خۆ ئامادەکردن و کاری دیپلۆماسی، ئەم پێگەیەی خۆشیان لە گەڵ ئەمرییکیەکاندا بەکار دەهێنن.

ستراتیژی دوای داعش

ئەوان دەزانن داعش نەماوە ئیتر پێوسیت بەچەکی زیاتر ناکات، بۆیەبەدوای پشتیوانی سیاسی لە ئەزموونەکەیان دەگەڕێن و ئەمریکاش لاری نییە لەوە، ئەو هەڵبژاردنەی کە قەرارە لەسەرەتای مانگی کانوونی یەکەم لە ناوچەکانی ژێر دەستی خۆسەری دیموکراسی بکرێ، دەری دەخات ئەمرییکەکان وەک چۆن لە پشتگیری سەربازی رستگۆ بوون لە گەڵ کورد، ئاخۆ لە سیاسەت و دیپلۆماسیەتیشدا هەروان؟ 

1371026112017_٤٣.PNG

م.مەجید سالح - نوسەر و ئەکادیمی، هەڵگری بروانامەی ماجستیر لە ڕاگەیاندن

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure