مه‌لا عه‌لی كه‌ڵه‌ك
5075 جار بینراوە 13/8/2017 01:58 PM

به‌ڤیدیۆ.. مه‌لا عه‌لی هه‌واڵه‌ خۆشه‌كه‌ی خوا ده‌گه‌یه‌نێتـه‌ بارزانی



سنور میدیا 

مه‌لا عه‌لی كه‌ڵه‌ك له‌ دیدارێكدا له‌گه‌ڵ هونه‌رمه‌ند هه‌وڵكه‌وت زاهیر ده‌ڵێت كه‌ "پرسی به‌ په‌روه‌ردگار كردووه‌ و كه‌ خه‌وێكی خۆش به‌ ریفراندۆمه‌وه‌ ببینێت و داوایكردووه‌ كه‌ ئه‌گه‌ر ریفراندۆم خێری تێدایه‌ به‌ به‌ڵێ پێی بده‌یت و ئه‌گه‌ر خێرشی تێدا نییه‌، به‌ نه‌خێر پێی بده‌یت."

له‌ گرته‌یه‌كی ڤیدیۆییدا كه‌ له‌ لاپه‌ڕه‌ی تایبه‌تی هه‌ڵكه‌وت زاهیر بڵاوكراوه‌ته‌وه‌، ئه‌و هونه‌رمه‌نده‌ رایگه‌یاندووه‌ كه‌ چه‌ند به‌رهه‌مێكی بۆ ریفراندۆم ئاماده‌ كردووه‌ و وه‌ك چۆن خۆی به‌ "به‌ڵێ" ده‌نگ ده‌دات، ویستویه‌تی رای مه‌لا عه‌لی كه‌ڵه‌كیش له‌ باره‌ی ریفراندۆمه‌وه‌ بزانێت، ئه‌ویش له‌ وه‌ڵامدا وتویه‌تی كه‌ خه‌ڵكێكی زۆر په‌یوه‌ندیی پێوه‌ كردووه‌ و پرسیاری ئه‌وه‌یان لێكردووه‌ له‌گه‌ڵ "نه‌خێر"ه‌ یان له‌گه‌ڵ "به‌ڵێ".

 

مه‌لا عه‌لی كه‌ڵه‌ك وتویه‌تی كه‌ بۆ ئه‌و مه‌به‌سته‌ "پرسی په‌روه‌ردگار كردووه‌ بزانێت ئه‌و چیی پێ ده‌ڵێت و داوایكردووه‌ كه‌ پێی پیشان بدات ئه‌گه‌ر ریفراندۆم خێری تێدایه‌ خه‌وێكی خۆش ببینێت و دڵی خۆش بێت"، وه‌ك ناوبراو وتویه‌تی: "دواتر هه‌مان شه‌و خه‌وێكی بینیووه‌ و بینیویه‌تی كه‌ ماڵ و منداڵی به‌ره‌و حه‌ج رۆشتون و جلی حه‌جیان له‌به‌ردابووه‌".

 

ده‌شڵێت كه‌ دواتر خه‌وه‌كه‌ی بۆ چه‌ند كه‌سێك گێڕاوه‌ته‌وه‌ و پێیان وتووه‌ كه‌ ئه‌و خه‌وه‌ نیشانه‌ی ئه‌وه‌یه‌ كه‌ دەبێت له‌گه‌ڵ ریفراندۆم بیت و "كوردستان پێویستی به‌ كه‌سانی وه‌ك تۆیه‌".

 

مه‌لا عه‌لی كه‌ڵه‌ك ئاماده‌یی ده‌ربڕیووه‌ به‌ "به‌ڵێ" ده‌نگ به‌ ریفراندۆم بدات و داواشیکردووە هەمووان دەنگ بە "بەڵێ" بدەن، "چونكه‌ وەک خۆی دەڵێت: "پرسی به‌ خودا كردووه‌ و ئه‌وه‌ قسه‌ی خوای گه‌وره‌یه‌ و قسەی ئەو نییە و خوا پێی خۆشه‌ كورد له‌سه‌ر ده‌وڵه‌تی خۆی بێت."

 

له‌ كۆتایی گرته‌ ڤیدیۆییه‌كه‌شدا، هونه‌رمه‌ند هه‌ڵكه‌وت زاهیر دوپاتیده‌كاته‌وه‌ و ده‌ڵێت: "كه‌واته‌ ده‌نگی هه‌ردوكمان به‌ (به‌ڵێ)یه‌ بۆ ریفراندۆم".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure