شاناز ئیبراهیم ئه‌حمه‌د
649 جار بینراوە 29/7/2017 02:33 PM

شاناز ئیبراهیم ئه‌حمه‌د پەردە لەسەر پەیکەری شاعیری گەل حاجی باقر بەنگینە لا ده‌دات



سنور میدیا 

لەرێورەسمێکدا بەئامادەبوونی کەسوکارو ھاوڕێ و ژمارەیەکی بەرچاو لە ھونەرمەندان و شاعیران و "شاناز ئیبرایم ئەحمەد" لەشاری سلێمانی، پەردە لەسەر پەیکەری شاعیری نیشتمان پەروەر و شۆڕشگێڕ "حاجی باقر بەنگینە" لادرا.

 

ئه‌مه‌ش پاش ئه‌وه‌ دێت ، كه‌ له‌كاتی خه‌ڵات پێشكه‌ش كردنی خه‌ڵاتی "9" ساڵه‌ی تیرۆركردنی سۆرانی مامه‌ حه‌مه‌ كه‌ ده‌زگا میدیایی " لڤین "ئه‌نجامی دابوو " شاناز ئیبراهیم ئه‌حمه‌د " خه‌ڵاتی دابه‌ش كرد ، و دواتر ڕخنه‌یه‌كی زۆر له‌ مه‌راسیمه‌كه‌ گیر.


ئەو پەیکەرە دەکەوێتە بەردەم "ئەسحابە سپی" لەتەنیش شەقامی کاوەی شاری سلێمانی، ھەڵبژاردنی ئەو جێگەیەش بۆ ئەوە دەگەڕێتەوە کە لەدوای ساڵانی چلەکانی سەدەی رابردوو، ساڵانێکی زۆر "بەنگینە"ی شاعیر لەو جێگەیەدا چایخانەی ھەبووە و بووەتە شوێنی کۆکردنەوەی شاعیران و پیاوماقوڵان و رووناکبیرانی ئەو دەمەی شار، پەیکەرەکەش لەلایەن پەیکەرتاش "ئاسۆس جاف" دروستکراوە.

 


شاعیری گەل "فەیزوڵا باقر محەمەد" ناسراو بە "بەنگینە" لەساڵی ١٩٠٨ لە شاری سەقز لە خۆرھەڵاتی کوردستان لەدایک بووە، لە ھەڕەتی لاویدا رووی لەباشووری کوردستان کردووە و لەشاری سلێمانی نیشتەجێ بووە.

 


لەساڵی ١٩٥٠ بەشاعیری گەل ناسراوە و بەھۆی ھەستی نیشتیمان پەروەری و شۆڕشگێڕییەوە لەماوەی تەمەنیدا چەند جارێک زیندانیکراوە.

 

"بەنگینە" خاوەنی دیوانێکی شعرییە کە لەسەردەمی رژێمی بەعسدا رێگە نەدراوە بە بڵاوکردنەوەی و لەساڵی ٢٠٠٣ چاپ و بڵاوکراوەتەوە.

 

"بەنگینە"ی شاعیر لە ١٥ ئەیلولی ١٩٧٢ لەشاری سلێمانی کۆچی دوایی کردووە و لەگردی سەیوان بە خاک سپێردراوە.

1731112972017_2.jpg

2731112972017_3.jpg

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure