ئەردۆغان
1946 جار بینراوە 10/7/2017 09:57 AM

''ئەردۆغان لە دەسەڵاتدا نامێنێت''



سنور میدیا 

سەرۆکی پارتی گەلی کۆماری (جەهەپە) دەڵێت: ئەردۆغان و پارتەکەی لە ساڵی (2019)دا دەڕۆن و لە دەسەڵات نامێنن، تەنانەت ئەگەر هەمو هەوڵێکیش بدەن بۆ مانەوە.

 

دوای (25) رۆژ و بڕینی (452) کیلۆمەتر بەپێ و لە رێپێوانێکی جەماوەریدا، نزیکەی دو ملیۆن کەس لە لایەنگرانی پارتی گەلی کۆماری (جەهەپە) کە کەمال کلیچدار ئۆغلۆ سەرکردایەتی دەکرد، گەیشتنە شاری ئیستەنبوڵ و بڕیارە ئەمڕۆش وتارێک پێشکەش بکات.

 

پێش مەراسیمی پێشکەشکردنی وتارەکەش، کلیچدار ئۆغلۆ، بە کەناڵی (DW)ی ئەڵمانی راگەیاند؛ ئەردۆغان بڕیاریداوە سزای هەمو چینەکانی کۆمەڵگە بدات ئەگەر بێن و بننە بەربەست لە بەردەمیدا، بەتایبەتیش دوای ئەوەی لە راپرسییەکەی هەمواری دەستوردا و بە هاوکاری لیژنەی باڵای هەڵبژاردنەکان رێژەی (51٪)ی بەدەست هێنا.

 

وتیشی: ئەردۆغان تا ساڵی (2019) لە دەسەڵاتدا نامێنێت، چونکە بەهۆی ترسی لە هەڵبژاردنی سەرۆکایەتی وڵاتەوە، دەست دەکات بە سەرکوتکردنی کۆمەڵگەی تورکی.

 

سەبارەت بە دەستگیرکردنی سەڵاحەدین دەمیرتاش، هاوسەرۆکی پارتی دیموکراتی گەلان (هەدەپە) و لێدوانەکانی ئەردۆغان سەبارەت بەوەی ناوبراو تیرۆریستە، کلیچدار ئۆغلۆ وتی: بەهۆی دۆخەکەیەوە ئەردۆغان هەمو کەس بە تیرۆریست ناو دەبات و دادگاکانیش لەسەر داوای ئەردۆغان فەرمانی دەستگیرکردن دەردەکەن.

 

235661072017_9.jpg

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure