نیو یۆرک
412 جار بینراوە 1/7/2017 11:34 AM

بە هۆی تەقە کردنەوە لە نیۆیۆرک پزیشکێک کوژرا



سنور میدیا

بەهۆی تەقەكردنی چەكدارێكەوە لە نەخۆشخانەیەك لە ناوچەی برونكس لە نیۆیۆرك پزیشكێك كوژرا و پێنج كەسی دیكەش برینداربون بەرلەوەی پۆلیس ئەو چەكدارە بكوژێت.

 

بە پێی هەواڵیکی بی بی سی  سەرچاوەكانی پۆلیسی ئەمریكا وتویانە ئەو چەكدارە ناوی هێنری بیلۆ-یە و پێشتر خۆی لەو نەخۆشخانەیە پزیشك بوە و پاش تەقەكردنیشی لەنێو نەخۆشخانەكەدا لەلایەن پۆلیسەوە كوژراوە.

 

ئەو كەسە چەكێكی جۆری ئێم 16ی پێبوە و ئێوارەی دوێنێ بە جلی پزیشكییەوە چۆتە ناو نەخۆشخانەكە و تەقەی كردوە.

 

بیلۆ تەمەنی 45 ساڵە و پزیشكی پسپۆڕییەكەی پزیشكی خێزانی بوە لەو نەخۆشخانەیە كە بەپێی هەندێك راپۆرت ئەو پاش روداوەكە خۆی كوشتوە.

 

بەڵام تاوەكو ئێستا پاڵنەری پشت روداوەكە نەزانراوە.

 

ئەفسەرێكی پێشو لە پۆلیسی نیویۆرك وتویەتی بەپێی زانیارییە سەرەتاییەكان ئەنجامدەری هێرشەكە پێشتر لەو نەخۆشخانەیە كارمەند بوە و لەكاتی هێرشەكەدا جلی پزیشكی لەبەركردوە و لەو شوێنە ناسراو بوە، ئەوەش بابەتەكەی زیاتر ئاڵۆزكردوە.

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure