چالاكوانان
1130 جار بینراوە 19/6/2017 07:01 PM

قەڵادزێ: ھاوڵاتیان شەوانی رەمەزان بە چالاکی و یاری کوردەواری بەسەر دەبەن



سنور میدیا _ شادان قادر

ئەمڕۆ ۱٨ ی حوزەیرانی ۲۰۱۷، لە قەڵادزێ چەند پێشبرکێیەکی جۆراو جۆر لە نێوان ڕێکخرا و فەرمانگەکاندا ئەنجام درا، بە ئامادەبونی چەند گروپ و ڕێکخراو و چالاکانی مەدەنی شارەکە.

سۆران بەرزە، خاوەنی ماڵی ماملێ بە سنور میدیای ڕاگەیاند چالاکیەکانی ئەمشەو پێکهاتبون لە بابەتی ئەدەبی و موزیک و گۆرانی و بابەتی هونەری جۆراو جۆرو پێشبڕکێ لەنێوان ڕێکخراو فەرمانگکانی دەڤەرەکە.


سۆران بەرزە گوتیشی ئەم چالاکیانە لەم بارودۆخەی ئێستادا یەکێکن لە گرنگترین پێداویستیەکانی هەرتاکێکی دەڤەرەکە چونکە باری سیاسی و ئابوری و دەرونی و هەموو بارەکان لە ئێستادا لەدۆخێکی ناجێگیر و نائارامدان بۆیە پێویستە شوێنێک هەبێت کە دەرونی خۆمانی تێدا خاڵی بکەینەوە لەم هەموو جەنجاڵیانە.

 

سۆران بەرزە ئاماژە بەوە دەدات ئەم چالاکیانە یەکێکن لەکارە هەرە گرنگەکان کە ماڵی ماملێ دەیکا بۆ هاوڵاتیانی سنورەکە بەتایبەت لەشەوانی ڕەمەزاندا، بەهۆی ئەوەی ڕۆژانە گەرمەو خەڵک بەڕۆژوویەو کەمتر لە ماڵەکانیان دێنە دەرەوە.

ماڵی ماملێ وەکو دیوەخانێکی سەردەمانی کۆنی لێهاتووە بۆ دانیشتوانی قەڵادزێ نەیهێشتووە لەم مانگەشدا شار بە بێدەنگی بمێنێتەوەو جموجوڵی بەخشیوە بە هاوڵاتیان.

 

یەکێک لە ئامادەبوان دەڵێت: هێشتا ئەم چالاکیانە لە ئاستی داخوازی ئێمەدا نین و دەبئ زیاتر پەرەی پێبدرێت و بەرەو پێش بچێت، چونکە خەڵکی قەڵادزێ شایەنی زۆر زیاتر لەوەن.

 


یەکێک لە بەشداربوانی پێشبڕکێکە دەڵێت: بونی ئەم چالاکیانە لە ئێستادا گرنگن بۆ کرانەوەی گەنج و بەسەربردنی کاتێکی خۆش.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure