دابه‌شكردنی مووچه‌
311 جار بینراوە 10/4/2017 01:36 PM

خشتەی دابەشکردنی پارەی ڕێکخراوە ئەڵمانییەکە بەسەر مامۆستایانی پارێزگای سلێمانیدا



سنور میدیا 

ئەمڕۆ دوو شه‌ممه‌ 10 ی نیسانی 2017  لە شارباژێر پارەی ڕێکخراوە ئەڵمانییەکە بەسەر مامۆستایاندا دابەشکرا و پەروەردەی سلێمانیش خشتەی قەزاکانی دیکەی بڵاوکردەوە.

ئەمڕۆ دووشەممە، دڵشاد عومەر بەرێوەبەری گشتی پەروەردەی سلێمانی لەگەڵ رێكخراوی (GIZ)ی ئەڵمانی سەردانی پەروەردەی شارباژێری کردووە بەمەبەستی دابەشكردنی هاوكاری حكومەتی ئەڵمانی لەڕێگەی ڕێكخراوەکەوە بۆ ئەو مامۆستایانەی هاتووچۆ دەكەن بۆ دەرەوەی شار.

 

ماڵپەڕی پەروەردەی گشتی سلێمانی بڵاویکردەوە کە دابەشکردنی هاوکارییەکە بەم جۆرەیە:

 

یەكەم: دەستپێك لە بنكەی شارباژێر بۆ هەموو ئەو مامۆستایانەی لەسنوری پەروەردەی شارباژێڕ و دووكانن ئەمرۆ دابەشكرا.

 

دووەم: لە بنكەی پەروەردەی چەمچەماڵ رۆژی 12ی مانگ واتە سبەینێ دەبێت.

 

سێیەم: لە بنكەی پەروەردەی دەربەندیخان رۆژی 12ی مانگ دابەشدەكرێت كە پەروەردەكانی گەرمیان و شارەزوور و قەرەداغ و دەربەندیخان لەخۆ دەگرێت.

 

چوارەم: بنكەی سەیدسادق لە رۆژی 13 ی مانگدا دەبێت كە پەروەردەكانی سەیدسادق و پێنجوێن و هەڵەبجەی شەهید لەخۆدەگرێت.

 

پێنجەم: بنكەی رانیە لە رۆژی 15ی مانگدا كە هەردوو پەروەردەی ڕانییە و پشدەر دەگرێتەوە.

 

پەروەردەی سلێمانی ئاماژەی بەوەش کرد، ئەم پرۆسەیە بۆ یەك جارە و ئەو مامۆستایانەی هاتووچۆی ناوچە زۆر دوورە دەستەكان دەكەن بڕی  300 دۆلاریان پێدەدرێت و ئەوانەشی لەناوچە دوورەكانن بڕی 225 دۆلاریان پێدەدرێت.

 

ڕاشیگەیاندووە، ژمارەی ئەو مامۆستایانەی سودمەند دەبن بریتییە لە حەوت هەزار و 255 مامۆستا مامۆستا كە لە 848 قوتابخانە و خوێندنگە دەوام دەكەن.

 

بڕە پارەی تەرخانكراویش یەك ملیۆن و 724 هەزار و 500 دۆلارە .

 

ئاماژەی بەوەش کردووە، ئەو مامۆستا و بەڕێوەبەرانەی ڕاسپێردراون بۆ وەرگرتنی پارەی یارمەتی حكومەتی ئەڵمانیا كرێی‌ گواستنەوەیان پێدەدرێـت كە بڕی 30 دۆلارە.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure