ئازار پشت
889 جار بینراوە 10/11/2016 07:14 PM

چارەسەرێک بۆ کەمکردنەوەی ئازاری پشت



سنور ميديا 

ئازاری پشت یەكێکە لە کێشە تەندروستیەکان کە تووشی بەشێکی زۆری خەڵک دەبێت، بەهۆی جوڵە و دانیشتنی نا تەندروستەوە.

ئەگەر ئازاری پشت هەیە و بەردەوام بێزاردەکات، ئەوا پێویستە ئەم ڕێنماییانە لەبیرنەکەیت و هەوڵبدەیت پەیڕەوی بکەیت؟


1-پێش هەموو کارێک ئاگاداری چۆنێتی دانیشتن بە، چونکە دانیشتنی ناتەندروست سەرچاوەی سەرەکیە بۆ بوونی ئازاری پشت، هەوڵبدە پشت ڕێک بێت لەکاتی دانیشتندا، بەتایبەت ئەو کەسانەی کارەکانیان دانیشتنە لەسەر کورسی بەرامبەر شاشەی کۆمپوتەر.


2-ئەنجامدانی ڕاهێنانی وەرزشی تایبەت بە ئازاری پشت، بەڵام ئاگاداربە هەڵە ئەنجامدانی دەبێتە هۆی دروستبوون و زیادبوونی ئازاری پشت، پێویستە پرس بە ڕاهێنەری شارەزا بکەیت.


3-خۆشتن لە گەرماوێکی گەرمدا و بە ئاوی گەرم، لەهەمانکاتدا مەساجکردن بۆ پشت بۆ چالاکبوونی سوڕی خوێن و کەمبوونەوەی ئازاری پشت.


4-جەوەنەی گەرم یەکێکە لە باشترین چارەسەرەکان بۆ نەهێشتنی ئازاری پشت، ڕۆژانە 2-3 جار بەکاریبهێنە بۆ ئەوەی ئێسک و جومگەکان پشوو بدات و هەست ئیسراحەت بکەیت.


5-لەکاتی خەوتندا ئاگاداری شێوازی پاڵکەوتنت بە، هەڵبژاردنی پشتی گونجاو و تەندروست و تایبەت، ئاگاداربە لە پشتی ڕەق و زۆر بەرز و زیان بەخش.


6-زەیتی سروشتی وەک زەیتون زۆر بەسوودە بۆ نەهێشتنی ئازاری پشت و مەساج پێکردنی، یاخود لەکاتی ئەنجامدانی ڕاهێنانی وەرزشی تایبەت بە ئازاری پشت بەکاریبهێنە، بۆ ئەوەی ئازارەکەی کەم بکاتەوە.


ئەگەر ئازاری پشت زۆر بوو بە ئەنجامدانی ئەم ڕێنماییانە چاک نەبوویت، پێویستە سەردانی پزیشکی پسپۆڕ بکەیت.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure