بێستون محه‌مه‌د
342 جار بینراوە 18/10/2016 06:59 AM

بێستون تاوه‌گۆزى : له‌سه‌ر ڕه‌وشى وه‌رزش له‌ پارێزگايى هه‌ڵه‌بجه‌ دێته‌ ده‌نگ



سنور ميديا _ وشيار محه‌مه‌د

لەڕێکەوتی٢٩ی٦ی٢٠١١ بەئامادەبوونی سفین کانەبی سەرۆکی تۆپی پێی کوردستان و ماموستا صلاحی کۆچکردوو،گۆران ئەدهەم قایمقامی هەڵەبجە وبەپاڵپشتی چوار هەزار هەواداری یانەی هەلەبجە،یاریگای نێودەوڵەتی هەلەبجە کرایەوە.کەیاری نێوان هەڵەبجە و مخموری تێدا ئەنجامدرا،لەئەنجامدا٣گۆڵ بەرامبەر بە٢گۆل لەسودی یانەی مه‌خمور کۆتای هات.

 

ئەمەی تائێستا باسمان لێوە کرد مێژوو بوو لای ڕۆژنامەنووسانی وەرزشی یاریزانانی هەلەبجە،لەئێستادا ڕەخنەی توندیان هەیە و دەڵێن کۆمەڵگە وەرزشێکەمان وێران کراوە.!!

 

سنوورمیدیاش بەپێویستی زانی بەدواداچونێک بۆ کێشەوو گیروو گرفتەکانی ئەوکۆمەڵگە وەرزشییەبکات.کەبۆئەم مەبەستەش پەیوەندیمان بە" بێستون محه‌مه‌د"وته‌بێژی لیژنه‌ی ڕۆژنامه‌نوسانی وه‌رزشی كوردستان نەوەکرد،کەڕۆژنامەنووسێکی دیاری پارێزگای هەڵەبجەیە،کەلەماوەی ڕابوردودا گلەی و گازندەی زۆری لەڕەوشی وەرزش گرتبوو لەوسنورەدا.

 

لەپرسیاری سنور میدیادا ڕەوشی وەرزش لەسنوری پارێزگای هەلەبجە بەشێوەیەکی گشتی لەچی ئاستێکدایە؟لەڕوی مادە خاوەکەوە(توانای مرۆی)لەسەرجەم بوارەکانی وەک تۆپی پێ و بالە و شەتڕەنج و تێنس و ساحەومەیدان،وە ئەکادیمیا و قوتابخانەی وەرزشی بۆمنداڵان تێدایە و تیپی میلی زۆرباشمان هەیە،تائێستاس سێ یابەی وەرزشی تێدایە کەبریتین لەیانەکانی هەڵەبجە و پەیام و سیروانی شارەزوور،لەناوەندی پارێزگای هەلەبجەش لیژنەی وەرزشی میلی هەن بۆ خزمەتکردنی زیاتری لاوان بۆتۆپی پێ.

 

بەشی پەروەردەی وەرزشی پارێزگای هەڵەبجە بەگوتەی ناوبراو خزمەتی باشیان بەوەرزشی پارێزگاکە کردووە.

 

دواتر بێستون محمد( تاوەگۆزی)ئاماژەی بەکەلێن و برینەکانی جەستەی وەرزش کرد لەپارێزگاکە و ڕایگەیاند, گرفتمان لەڕوی ئیداری حکومەتەوەیە،بەنموونە کۆمەڵگەی وەرزشی هەڵەبجە لەلایەن زانکۆی هەلەبجە دەستی بەسەردا گیراوە!!لەبەرئەوەی کاتی خۆی ئەم کۆمەڵگە وەرزشییە نێودەوڵەتییە لەلایەن ناوەندی سلێمانییەوە ڕادەستی زانکۆی هەڵەبجە کراوە،کەئەمەش بەگوتەی ناوبراوو کارەساتێکی زۆر گەورەیە،نەدەبوو ئەوە ڕوی بدایە،،کەڕوشی داوە ئێستا ئەو کۆمەڵگە وەرزشییە بەرەو وێرانەدەچێت،تەنانەت قوتابیانی بەشی وەرزش گلەی ئەوە دەکەن چوارساڵی زانکۆیان تەواو کردووەو،کەچی تائێستا هیچ یارییەکیان تیایدا ئەنجامنەداوە.

 

مەلەوانگەکەشی سوتاوەو ناوبراو ڕاشی گەیاند, بەپێی ئەو زانیاریانەی لەبەردەسیدایە کەپشت ڕاسکراوەن،بۆنۆژەند کردنەوەی مەلەوانگەکە پێویستی بە١٦ملیۆن دینارە.،

 

یاریگایەکی داخراویان بەهەمان شێوە وێران کردۆتەوە،بێستوون محه‌مه‌د ڕاشکاوانە دەڵێت, کە ئامادەم لەبەردەم دادگادا شایەتی ئەوە بدەم کە ڕاگری بەشی زانستە مرۆڤایەتییەکان هەڵساوە بەوێرانکردنی ئەم کۆمەڵگە وەرزشییەو،وەلەسەر دەستی ئەوە ژوری داخراوی نزیک فاکڵتی وێران بووە.وەکتابیشمان لایە سەرۆکی هەمان بەش کەمتەرخەم بووە لەخستنەڕوی کەموو کوڕییەکان بۆئەوەی لەلایەن وەزارەتی داراییەوە بوجەی پێویستی بۆسەرف بکرێت،لەهەمانکاتیشدا لەپاک ڕاگرتنی هۆڵە وەرزشییەکە کەمتەرخەم بووە،وە لەهەمان کاتدا بەشێوەیەکی نازانستی کۆمەڵگە وەرزشییەکەی بەڕێوە بردووە،هەرلەبەر ئەم هۆکارانەش ئامادەم لە دادگادا وەک گەندەڵکاریک لەبەرامبەریدا بووەستم.

 

کێشەی سەر تر،لاوازی ژێرخانی وەرزشی هەلەبجەیە،بەڵگەش بۆئەمە نموونەی یاریگایەک کەئەویش یاریگای شاهۆ حمە فەرەجە کەلەبەرامبەردا زیاتر لە٣٠تیبی پلەیەک و پلەدوو یاری تێدادەکەن،لەبەرامبەریشدا دەبێت پارە بدرێت بۆ هەر یارییەک کەتیایدا ئەنجام بدرێت.،سەرەڕای ئەوەی عەیبەیەکی گەورەیە بۆ حکومەت،لەهەموو هەلەبجادا یاریگایەکی تێدانەبێ بۆیاری کردن لە شەودا،بەهۆی نەبونی ڕوناک کەرەوە.

 


لەپرسیاری سنوور میدیادا دەربارەی ئەو جیهازەی کەلەئێستادا دەفرۆشرێت چی هەیە؟ئایا ئەمە لەبەرژەوەندی وەرزش دۆستانە یاخود ئەمیش بەسیاسی کراوەو قۆرەخ کراوە لەلایەن سیاسییە بازرگانرکانەوە؟لەوەڵامدا نیگەرانی خۆی پیشانداو ڕایگەیاند،ئەوبریارە زیاتر ناوچەکانی گەرمیان و هەلەبجەو شارەزوور و راپەڕینی گرتۆتەوە.کۆمپانیای میکس میدیا هەڵساوە بەکێشانەوەی ئەم جیهازە کەلەجۆری دی ڤی پی تی و هاوردنی جیهازێکی تر کەبەنزیکەی ١٠٠هەزار دەکڕدرێت لە جۆری دی ڤی پی تووە ئەمەش بارگرانییەکی دیکەیە بۆسەرو سەر وەرزش دۆستان،کەلەکاتێکدا پێشوو تر ژمارەیەکی زۆر سود مەند دەبوون لەو سیستەمە،وە هەرکات دڵنیابوینەوە کەئەم گۆڕانکارییە تەنها سنورەکەمانی گرتۆتەوە و سلێمانی و هەولێر و دهۆکی لێ بێبەرییە ئەوە دڵنیابن بێدەنگ نابین و ئەوبڕیارە ئەمناوچە بەشمەینەتییەی دەڤەری هەلەبجە وگەرمیان و ڕاپەڕین بگرێتەوەو،ئامادەشین بچینە بەرامبەر میکس میدیا لەدادگا،خۆ ئەگەر کوردستانیش بگرێتەوە ئەوە زوڵمێکی گەورەیە کەدەرهەق بەهەموو وەرزش دۆستانی کوردستان کراوە.

 


دەربارەی پەروەردەی وەرزشی کچان لەهەلەبجەو هەماهەنگی دانیشتوانی هەلەبجە لەگەڵ ئەوبەشەدا؟لەوەڵامدا ڕۆژنامەنووسەکەی هەلەبجە کەلەهەمان کاتدا وتەبێژی رۆژنامەنوسانی کوردستانە ڕاگەیان،نەک بوونی ئەو بەشەئاساییە بەڵک و لەلایەن دانیشتوانی هەڵەبجەو ماموستایانەوە یارمەتی دەدرێن،وچەند جیل خوێندکاری ئەوبەشە تەواویان کردووە و لەئێستادا بڕوانامەیان بەدەست هێناوە.دەربارەی باروو دۆخی یانەی هەڵەبجە لەئێستادا؟ئامادەیم نیشاندا کە ئۆتۆمبێلەکەی خۆم بفرۆشم لەپێناو گەڕانەوەی یاریزانەکان هەڵەبجە،کەلەئێستادا لەدەرەوەی هەڵەبجە یاری دەکەن،بەڵام یانەی وەرزشی هەڵەبجە لەقەیرانێکی گەورەی دارایدایەو،کەس خۆی لێی تێناگەیەنێ.لەکۆتایشدا رۆژنامەنوسەکەی هەڵەبجە ڕایگەیاند کەبەداخەوە لەلایەن یەکێتی تۆپی پێی کوردستان لیژنەکان وئۆڵەمپیاتی کوردستان مامەڵەیان لەگەڵ هەڵەبجە وەک پارێزگا نەبوو هیوادارین ئەوهەڵەیە ئەمساڵیش دوبارە نەبێتەوە.

4455318102016_1.jpg

5055318102016_2.jpg

5655318102016_3.jpg

756318102016_8.jpg

1656318102016_8.jpg

2256318102016_9.jpg

2756318102016_10.jpg

3256318102016_12.jpg

3756318102016_13.jpg

زۆرترین خوێندراوە

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure