.ئامادەکردنی : عمر ایزدخواە
80 جار بینراوە 10/8/2016 07:35 PM

ئەزمونی تیرۆری دەوڵەتیی ئێران لە رۆژهەڵاتی ناوەراست



تیرۆری دەوڵەتی کە شێوازێکی سەرەکی جۆرەکانی تیرۆر و هەروەها ستراتیژێکی دیاری سیاسەتی ئێرانی بەرامبەر نەیاران و دژبەرانی لەماوەی هاتنەسەرکاری رژێمی ئیسلامی ئێراندا پێک دەهێنێ و بە دریژایی ئەو مێژووەی سودی لێ وەرگرتووە،  کە لە زۆرترین چالاکیەکانیدا بە روونی بوونی دەستی دەستە و گروپەکانی سەربەو حکومەتە و تێوەگلانیان سەلماوە کە بەشێکیان راستەوخۆ پلاندانان و جێبەجیکارانی لە تارانەوە نەخشەکێشی لەلایەن بەرپرسانی حکومی و دەزگای سەربازیەکانیانەوە کراوە و بەشێکی تریشیان لە رێگەی ئەو گروپانەی کە کار بۆ بەرژەوەندیەکانی کۆماری ئیسلامی ئێران دەکەن و وەکو دەستێک و نوێنەرانی ئەو رژێمە چالاکیەکانیان لە ناوچە جیاوازەکانی ولاتانی رۆژهەڵاتی ناوەراست وڵاتانی دیکە ئەنجام دەدەن ، خاڵێکی تری جێی سەرنجی پەیوەست بە پرسی تیرۆری دەوڵەتیی کۆماری ئیسلامی ئێران ، بریتیە لە هاوکاری راستەوخۆ و ناراستەوخۆی بەرپرسان و حکومەتی ئێرانی بەرامبەر گروپە فەندەمێنتاڵە سونی مەزهەبەکانە ، سەڕەڕای بەکارهێنانی گروپە توندڕەوە شیعەکان لە وڵاتانی ناوچەکە و قۆستنەوە و گەورەکردنی کێشە سیاسیەکانیان ، لەوانەش هاوکاری راستەوخۆ و ناراستەوخۆی ( القاعدە) و ( طالیبان ) و گروپەکانی تری سەربە قاعیدە و تەنانەت هەندێ سەرچاوەی پشتراستکراوەش باس لە بوونی هاوکاری بەرپرسانی حکومەتی ئێرانی لە رێگەی سوریاوە بۆ هێزەکانی ( داعش ) دەکەن ، سەرباری ئەوەی کە بینیمان حکومەتی عێڕاقی بە سەرۆکایەتی ( نوری المالیکی ) سەرۆک وەزیرانی پێشوو و هاوپەیمانی توندی سەرانی رژێمی ئێرانی بەرپرسی یەکەمی کشانەوەی هێزەکانی عیڕاقی بوو لە نەینەوا و پاشان بەهیزبوونێکی مەزنی ئەو رێکخراوەی لێ کەوتەوە ، هەرچەند هۆکاری بنچینەیی و سەرەکی دروستبوونی زۆربەی گروپە توندڕەو و تیرۆریەکانی ناوچەکە دەگەڕێنەوە بۆ هۆکارە هزریە دینیەکان ، کە ئەویش خۆی دەبینێتەوە لە شەرعیەتدان بە توندڕەوی و پاساوهێنانەوە بە دەقی پیرۆز و باڵا لە ئەنجامدانی توندوتیژی و ترس و تۆقاندن و کوشتار و ..لەپێناوی فەتح و رووبەرووبوونەوەی نەیارانی دینی ، بەڵام هۆکاری تر هەن کە کاریگەری زۆر گەورە دەبینن لە بەهێزبوون و هاتنە مەیدانی ئەو هزرانەی کە کردەی نامرۆڤانە و فرە بەرە ئەنجام دەدەن ، ئەگەر نمونەی داعش وەکو یەکێک لەوانە باس بکەین ئەوا ناکرێت هاوکاری راستەوخۆ و ناراستەوخۆی وڵاتانی ( ئاغای ناوچە ) ( تورکیا - سعودیە - ئێران )ی لێ بەدەر بکرێت ، کە بێگومان ئێران پشکی شێری بەردەکەوێ و بەهێزبوونی ئەو گروپانە بەشێوەیەکی زۆر لەبەرژەوەندی ئێران بوونە و زۆرترینی بەرژەوەندیەکانی لە دوای بەهێزبوونی داعش هاتۆتە دی ، کە بەشێکی ئەو بەرژەوەندیانە خۆی لە دیفاکتۆی حکومەتی سوری و فەوزا و شێواندنی ماڵی سونی و زیادبوونی رۆڵی ئێران لە ناوچەکە و لێدانی زیاتر لە نەیارانی بینیوەتەوە ....

بابەتێکی گرنگی پەیوەست بە ستراتیژی تیرۆریستانەی ئێرانی کە پێویستە بوروژێندرێ ، بریتیە لەو پرسیارەی کە ئایا تیرۆر دەکەوێتە کام ئاستەی سیاسەتی ئێرانی ؟؟ ، ئایا میکانیزمێکی دەستپێکانەیەتی لە کارتەکانی ؟؟ ، وڵامی ئەوەش بریتیە لە ستراتیژی بوونی ئەنجامدان و دروستکردنی تیرۆر لەلایەن ئەو وڵاتەوە ، بەوپێیەی بنەما هزریە بنەرەتیەکانی رژێمەکە کە دەگەرێتەوە بۆ هزرێکی رادیکاڵی - شیعی کە هەمیشە بەچاوێکی دوژمنانە دەروانێتە کۆمەڵگا و هێزە سونیەکان ، وە ستراتیژی سیاسەتی دەرەکی ئەو رژێمەش لەسەر بنەمای نانەوەی کێشە و ئاژاوە لە وڵاتانی ناوچەکە لەژێر دروشمی ( ناردنەدەرەوەی شۆڕش ) بە ئامانجی بەهێزی و سەقامگیری و بەرژەوەندیە ناوخۆییەکانی خۆی ، سەرباری سروشتی ئەو سیاسەتە تۆتالیتار و فاشی و مەرکەزیەی کە پیادەی دەکات و دەستی داوەتە توندوتیژیەکی بەردەوام لەگەڵ هاوڵاتیانی وڵاتەکەی بەتایبەت لەگەڵ نەتەوە و ئاین و گروپە ئیتنیە جیاوازەکان ، کردە و چالاکیە تیرۆرییەکانی بە روونی دەرخەری ئەو راستیەیەن کە خۆی لە غافڵکوژی و ئەنجامدانی تەقینەوە و رفاندن و کۆمەڵکوژی و رەشەکوژی و دروستکردنی ترس و تۆقاندن دەبینێتەوە .



هەر بۆیە ئەوانەی خوارەوە کۆمەڵێک چالاکین لە کۆمەڵیک بەرواری دیار لەنێوان پرۆسەیەکی بەردەوامی درێژخایەنی پەرەسەندوی چالاکی ستراتیژی تیرۆریئێرانی بەرامبەر بە دژبەرانی لە هەریەکە لە وڵاتانی ناوچەکە .

_ساڵی ١٩٨٢ فڕاندنی ٩٦ هاوڵاتی بیانی لە لوبنان کە لەنێوانیاندا ٢٥ یان هاوڵاتی ئەمریکی بوون و ناسراوە بە قەیرانی بارمتەکان ، کە ئەو چالاکیەش لەلایەن ( حزب اللە  ) و گروپەکانی سەربەئێرانەوە ئەنجام درا . 

_لە ساڵی ١٩٨٣ تەقاندنەوەی کونسوڵخانەی ئەمریکی لە بەیروت لەلایەن (حزباللە )ەوە ، کە تیایدا بووەهۆی کوژرانی ٦٣ کەس لەو کونسوڵخانەیە .

_تەقاندنەوەی بنکەی هێزە فەرەنسیەکان لە بەیروت لەلایەن حزباللە ەوە کە تیایدا ٦٤ فەرەنسی مەدەنی و سەرباز کوژران .

_وە لە ساڵی ١٩٨٣ تەقاندنەوەی بنکەی سەربازی ئەمریکی لە بەیروت و کوشتنی ٢٤١ کەس .

_هەر لە ساڵی ١٩٨٣ بکوژەکانی حزب اللە و پارتی بانگەوازی شیعی بە پاڵپشتی ئێران هەڵسان بە کۆمەڵیک هێرش بۆسەر کونسڵخانە ئەمریکی و فەرەنسی لە کوێت و کە تیایدا ٥ کوژراو و ٨ برینداری لێ کەوتەوە .

_لە ساڵی ١٩٨٥ هەوڵدان بۆ تەقاندنەوەی کاروانی ئۆتۆمبێلەکانی شێخ جابر ئەحمەد چەباح ئەمیری کوێت ، کە پێش بە هەوڵەکە گیرا .

_لە ساڵی ١٩٨٦ دروستکردنی ئاڵۆزی لەنێو حاجیانی مەراسیمی حەج و بەهۆی دروستبوونی پاڵەپەستۆوە کوژرانی ٣٠٠ حاجی لێ کەوتەوە 

_رفاندنی فرۆكەیەکی كوەیتی لە ساڵی ١٩٨٨ .

جێگای سەرەنجە ئەو كەسە عێراق‌و لوبنانیانەی كە لەتەقینەوەكەی باڵوێزخانەی ئەمریكا لەكوەیت لەساڵی ١٩٨٣ دەستیان هەبووە، هەروەها ئەو  لوبنانیانەی لە تەقینەوە بنكەی سەربازیی ئەمریكا لە بەیروت لەساڵی ١٩٨٣و رفاندنی فرۆكەی كوەیتی لە ساڵی ١٩٨٨ دەستیان هەبووە، سەرجەمیان رەگەزنامەی ئێرانییان وەرگرتووە، لەوانە عیماد موغنیە فەرماندە پێشووی میلیشیاكانی حیزبوڵای لوبنان.

_ساڵی ١٩٨٩ تیرۆری غافڵکوژیانەی ( د.عبدالرحمن قاسملو ) رێبەری گەلی کورد لە ڤییەنا ، ٢٢ی پوشپەڕی ١٣٦٨ی هەتاوی واتە ١٢/٧/١٩٨٩ لە شاری ڤیەننای پایتەختی نەمسا ، دکتۆر عبدالرحمن قاسملو لەگەڵ عبداللە قادری ئازەر کاتیک لەسەر مێزێک لەگەڵ شاندێکی وڵاتی ئێران بۆ دۆزینەوەی چارەسەریەکی دێموکرات بۆ پرسی کورد دانیشتبوون ، بە پیلانگێڕی و بەدەستی نوێنەرانی وڵاتی ئێران شەهید کران .

_ساڵی ١٩٩٠ تیرۆری غافڵکوژیانەی  چوار دیپلۆماتی سعودی لە تایلاند .

_لە ساڵی ١٩٩١ تیرۆری غافڵکوژی شاپور بەختیار دواهەمین سەرۆک وەزیرانی سەردەمی فەرمانڕەوایی شا .

_لە ساڵی ١٩٩٢ تیرۆری غافڵکوژی ( د.صادق شەرەفکەندی ) سکرتێری گشتی حیزبی دێموکراتی کوردستانی ئێران ، لە چێشتخانەی میکۆنوس لە شاری بەرلین کاتێ بەشداری کۆبوونەوەیەکی سەرانی گرووپەکانی دژ بە ڕژێمی کۆماری ئیسلامی ئێران کردبوو ،  کە دواتر کەیسێکی تایبەت بەو رووداوە لەلایەن دادگای بەرلینەوە کرایەوە و دوای شیکردنەوەی ڕووداوەکانی کارەساتی میکۆنوس ، سەرانی کۆماری ئیسلامی بە تاوانبار ناسران بۆ ئەنجامی ئەو تیرۆرە لەوانەش (عەلی خامنەیی (ڕێبەری کۆماری ئیسلامیی ئێران ،) ئەکبەر ھاشمی ڕەفسەنجانی (سەرۆک کۆماری کات و ( عەلی فەلاحیان (وەزیری ئیتلاعاتی کاتی بۆ دادگا بانگێشت کران .

_١٩٩٠ - ٢٠٠٣  و تیرۆری رۆژانەی هاوڵاتیان و چالاکانی سیاسی و رێبەری پارت و هێزە سیاسیەکانی رۆژهەڵاتی کوردستانی  دانیشتوی باشوری کوردستان 

_لە ساڵی ١٩٩٤ تەقینەوەی ( بیونس ئایرس ) لە ئەرجەنتین کە تیایدا زیاتر لە ٨٥ کەس بوونە قوربانی و زیاتر لە ٣٠٠ کەس برینداربوون .

_لە ساڵی ١٩٩٦ ئەنجامدانی تەقینەوەیەک لە شاری ( خوبر )ی سعودیە و لە ئەنجامدا ١٢٠ کوژرای لێ کەوتەوە کە لەنیویاندا ١٩یان ئەمریکی بوون .

_ساڵی ٢٠٠٣ ئاشکرابوونی پلانی گروپەکانی سەربەئێران بۆ ئەنجامدانی چەندین تەقینەوە لە بەحرەین .

_ساڵی ٢٠١١ تیرۆری غافڵکوژی دیپۆلماتی سعودی ( حەسەن قەحتانی ) لە شاری کەڕاتشی .

_ساڵی ٢٠١١ هەوڵدان بۆ تیرۆرکردنی کونسوڵی سعودیە لە ئەمریکا .

_٨/٨/٢٠١٥هەوڵی تیرۆری سیاسی لەبەرامبەر هەریەک لە رەزا کەعبی جێگری كۆمه‌له‌ی زه‌حمه‌تكیشانی كوردستان دراو ودواتر هەوڵی تەقاندنەوەی بارەگایەکی حزبی كۆمه‌له‌ی شۆرشگیری زه‌حمه‌تكیشانی كوردستانی ئێران درا ، کە دوایی دەرکەوت ئەم چالاکیە لەلایەن کۆماری ئیسلامیەوە بووە .

_٧/٨/٢٠١٦ دەستگیرکرانی نێردراوانی ئێران بۆ ئەنجامدانی کردەی تیرۆر لە وڵاتی بەرزایل و ئۆرۆگوای .

 

وە جگە لەوەش ئەو گروپانەی راستەخۆ کۆماری ئیسلامی ئێران هاوکاریان دەکات و کار بۆ بەرژەوەندیەکانی ئەو رژێمە دەکەن و لەهەمان کاتتدا سەرچاوەی توندرەوی و گرژی وڵاتانی کەنداو و ناوچەکەن و دەست ناپارێزن لەهەر کردەیەکی تۆقێنەر و تیرۆریستانە و خاوەنی هزرێکی رادیکاڵی مەزهەبین ، بە تایبەت لە عێراق و سوریا و لوبنان و فەلەستین و یەمەن و بەحرەین.. پێویستە ئاماژەیان پێ بکرێ ، لە سەرووی هەموویانەوە ( سپای پاسداران- نیروی قودس ) کە نفوزی راستەوخۆی لەو وڵاتانە هەیە و گروپێکی یەکجار زۆری دیکەش کە لە سەروویانەوە ( جەیشی مەهدی ، حیزبوڵا ، عصائب ئەهل حەق ، فەیلەقی بەدر ..) هەن ، کە ئەوانەی خوارەوە بەشێکیانن : 

کەتیبەکانی دەرعی شیعی

کەتیبەکانی تەیاری ریسالی

سوریای عاشورا

کەتیبەکانی مالیکئەشتەر

حەرەکەی ئەبداڵ

کەتیبەکانی ئیمامعەلیجەیشی

موختارحەشدی شەعبی

لیوای حەمد 

لیوای ئیمام قائیم

لیوایعادیات-حەرەس خاص

حەرەکەی ئەنصاروڵای ئوفیا

لیوای حەرەس خاص خامس ئەلبەتار

جەیش ئەلکەڕار

فیرقەی عەباسی قیتالی

کەتیبەکانی غەزەب

لیوای شەبابی ریسالی

جیش المهدی

عصائب اهل حق

رێکخراوی بەدر

لیوای ئەبوفەزڵ عەباس

حیزبوڵای عێڕاقی

حیزبوڵای لوبنانی

حەرەکەی حیزبوڵای نەجیبە

حیزبوڵا-کەتیبەکانی ئیمام غالب

حیزبوڵا سائیرون

سوریای ئیسلام

فەیلەقی وەعدی صادقل

lیوای عەمار بەن یاسر

لیوای ئەسەدوڵا غالب

کەتیبەکانی ئەنصار و حەج

کەتئبەکانی دیفاعی موقەدەس

لیوای قاریعە

سورەیای زەهرا

لیوای زولفەقار

لیوای کەفیل زەینەب

لیوای مونتەزیر

بەدر-کۆمەڵە تایبەتەکان

حەرەکەتی جیهاد و بینا

سورەیای دیفاعی شەعبی

کەتیبەکانی سەید شوهەدا



ئەو سەرچاوانەی کەڵکیان لێ وەرگیراوە/


http://www.assakina.com/news/news1/83489.html   السجل الكامل لجرائم #إيران : من الخارجية السعودية

http://islammemo.cc/akhbar/Asia-we-Australia/2016/03/13/286046.html

https://www.alarabiya.net/ar/arab-and-world/syria/2014/06/08/ قائمة-الميليشيات-الشيعية-بسوريا-الحكاية-بالدماء-والأرقام.html

http://www.noonpost.net/ الأزمة-السورية/ملف-شامل-عن-الميليشيات-الشيعية-المقاتلة-في-سوريا


http://aawsat.com/home/article/393086/ طالبان-لـ-«الشرق-الأوسط»-نسعى-لإقامة-علاقات-طيبة-مع-إيران-والملا-عمر-على-قيد

http://www.orient-news.net/ar/news_show/89121/0/
http://www.orient-news.net/ar/news_show/89121/0/
http://aawsat.com/home/international/section/Iran-Hezbollah-11September
http://www.all4syria.info/Archive/200915

http://rudaw.net/sorani/onair/tv/episodes/episode/dangi_rojhelat_11082015

http://islammemo.cc/akhbar/Asia-we-Australia/2016/03/13/286046.html
http://www.alhayat.com/Articles/13538084/ السعودية--58-دليلاً-على-تورط-إيران-في-الإرهاب

https://www.alarabiya.net/ar/arab-and-world/syria/2014/06/08/ قائمة-الميليشيات-الشيعية-بسوريا-الحكاية-بالدماء-والأرقام.html
http://www.noonpost.net/ الأزمة-السورية/ملف-شامل-عن-الميليشيات-الشيعية-المقاتلة-في-سوريا


http://aawsat.com/home/article/393086/ طالبان-لـ-«الشرق-الأوسط»-نسعى-لإقامة-علاقات-طيبة-مع-إيران-والملا-عمر-على-قيد

http://www.orient-news.net/ar/news_show/89121/0/

http://aawsat.com/home/international/section/Iran-Hezbollah-11Septemberhttp://www.all4syria.info/Archive/200915

http://rudaw.net/sorani/onair/tv/episodes/episode/dangi_rojhelat_11082015

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure