ژن و پیاو
1352 جار بینراوە 22/4/2016 12:00 AM

له‌نێوان پیاو و ئافره‌ت جیاوازی سێكسی هه‌یه‌ ده‌زانی



سنور میدیا 

كۆمەڵی جیاوازی هەن لە نێوان پیاو و ئافرەت لە پەیوەندییە سێكسییەكاندا. پێویستە ئافرەت و پیاوان بیانزانن، تا تێگەیشتنی باشیان هەبێ لەبارەی یەكترەوە و تووشی سەرسامی نەبن، بەڵكو پێویستە بیزانن و رێككەون لەگەڵ هاوسەرەكانیان.

یەكەم: جیاوازی بیركردنەوە، هەموو پیاوان لەوباوەڕەن كە هەموو دەست لەیەك خشاندنێكی پیاو و ئافرەت، مانای ویستە بۆ ئەنجامدانی سێكس، بۆیە ئەگەر داوایان كرد و ئافرەتان لە هەندێ حاڵەتدا رەتیان كردەوە، تووشی شۆك دەبن، بەڵام لە ئافرەتدا دەست لێدان زۆربەی كات بۆ بەخشینی خۆشەویستی و رۆمانسیەتە نەك سێكس. بۆیە پێویستە ئافرەتان پیاوان ئاگەدار بكەنەوە لەو بابەتە، چونكە ئافرەت بۆ وروژانی سێكس بە دەست لێدانی زۆر ئامادەییان تێدا دروست دەبێ و پیاوان پێچەوانەن، بەچەند لەمسكردنێك دەوروژێن و حەزی سێكسیان بەرز دەبێتەوە.


دووەم: جیاوازی هۆرمۆن: هۆرمۆنی نێر (تستۆستۆرۆن) بە درێژایی كات چاڵاكە و ئامادەیی هەیە، بەڵام هۆرمۆنی مێ، بەرزی و نزمی بەخۆیەوە دەبینێ، وەك هی نێر نییە بەردەوام چالاك بێ، هۆرمۆنەكانیش بەرپرس لە جوڵان و وروژانی سێكسی. بۆیە دەبێ پیاوان ئاگەداری ئەوە بن و بەردەوام داوای سێكس لە ئافرەتەكانیان نەكەن، چونكە جیاوازی لە هۆرمۆنات هەیە و ئەگەر پیاوانیش وا هەست بكەن ئافرەتان وەك ئەوان بەردەوام ئامادەن بۆ سێكس و بەوشێوەیە لەگەڵیان مامەڵە بكەن، ئەمە ئافرەت بێزار دەكات لە سێكس و هیچ چێژێكی لێ نابینێ.


سێیەم: ئامانجی ئەنجامدانی سێكس: زۆرینەی پیاوان ئامانجێكیان نییە لەپشت ئەنجامدانی سێكسەوە، تەنیا ئەگەر بۆ خستنەوەی منداڵ و چێژ سێكس بكەن، بۆیە پیاوان سێكسێكی بەبێ چێژ ناخوازن، زۆریش پەیوەست نین بە شێوازەكانی سێكس و جۆرەكانی تێخستن، بەڵكو ئەوەی بەلایانەوە گرنگە جووتبوون و بگەن بە لووتكەی چێژ، بەپێچەوانەی ئافرەتەوە.


چوارەم: حەزنەكردن لە سێكس، گومان لەوەدا نییە، ئارەزووی سێكسی، بێنەبەردەیەكی نێوان هەموو هاوسەرەكانە، ئەمەش بەهۆی كار و كێشە دەروونییەكانەوە، چونكە هەندێجار پیاوان حەز بە سێكس دەكەن، ئافرەت باری دەروونی ئامادە نییە، بەپێچەوانەوەش هەندێجار پیاوان ماندوون و لەكار هاتوونەتەوە و حەزیان لە پشوودانە، نەك سێكس.


پێنجەم: ئاو هاتنەوە، هەر كەسێك رێگەیەكی جیاوازی هەیە، بۆ ئەم كارە، بۆیە هەن جگەلە تێخستن، بە ورژانی میتكە، ئافرەت دەگەیەنن بەحاڵەتی تەڕبوونی زێ، بەپێچەوانەوەش لە پیاواندا، هەندێ حەز دەكەن بە دەست لێدان ئاویان بێتەوە، هەندێكیش حەز دەكەن بەردەوام لەكاتی تێخستنی زێدا ئاویان بێتەوە.


شەشەم:پێویستە ئەزموونە سێكسییەكانی رابردووتان لە بیر خۆتان بەرنەوە و بەراوردیان نەكەن بە پەیوەندییە سێكسییەكانی ئێستە، بەتایبەت ئەگەر لە پەیوەندییە سێكسییەكانی رابردووتان و بێزاری و گرژی لە نێوانتان دروست بوو بێت.

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure