ژن و پیاو
1035 جار بینراوە 8/4/2016 11:14 PM

سودەکانی لە ئامێزگرتنی ژن و مێرد چین..؟



سنور میدیا 
بەپێی وتەی شارەزایان، کاتێک ژن و پیاو دەست لە ملی یەکتر دەکەن، لە چەندین گرفتی جەستەیی و دەروونیی دوور دەکەونەوە و هاوکات پەیوەندیی خۆشەویستیی نێوانیشیان بەهێزتر دەبێت.

سوودەکانی دەست لە ملکردنی هاوسەرەکان:

زۆر بەسوودە بۆ تەندروستیی لەش:


کاتێک ژن و پیاو دەست لە ملی یەکتر دەکەن، سەرجەم بەش و ئەندامەکانی لەشیان چالاک دەبن، بەتایبەت ماسولکەی دڵیان. لە ئامێزگرتنی یەکترییش لەدوای سێکس، نیشانەی ئەوەیە کە تەنیا سێکس پێویست نییە بۆ هەستکردن بە خۆشەویستی بەرامبەرەکەت، بەڵکو دڵ و ڕۆحیشت پێویستییان بە ئەوە.

متمانە بە خۆبوون:

توێژینەوە زانستییەکان ئەوەیان سەلماندووە کە ئەگەر هاوسەرەکان بەردەوام یەکتر لە ئامێز بگرن و دەست لە ملی یەکتری بکەن، ئەوا هەریەکەیان متمانەی زیاتری بەخۆی دەبێت و هەوڵدەدات سەرکەوتنی زیاتر لە ژیانیدا بەدەستبهێنێت.

سیستمی بەرگری:

لە باوەشگرتن و دەست لە ملکردنی ژن و پیاو، کاردەکات بۆ بەهێزکردنی سیستمی بەرگری لەشیان، چونکە لەوکاتەدا ئەو هۆرمۆنانە دەڕژێن کە لەش لە نەخۆشیی دەپارێزن.

هێورکردنەوەی لەش و باشکردنی خەو:

پسپۆڕانی ئەمریکایی ئاماژە بۆ ئەوە دەکەن کە لە ئامێزگرتنی یەکتری لەلایەن هاوسەرەکانەوە، لەش هێوردەکاتەوە و پرۆسەی نووستنیش باش دەکات، چونکە ڕێژەی دەردانی هۆرمۆنی کۆرتیزۆن کەمدەکاتەوە کە لەکاتی دڵەڕاوکێ و بارگرژیی دەروونیی و ماندووبوونی مرۆڤدا زۆر دەردەدرێت.

هەستکردن بە ئاسایش و ئۆقرەیی:

زۆرجار تەنیا بە دەستکردنە ملی هاوسەرەکەت، ئەو دڵەڕاوکێ و ترسانە دەڕەوێنەوە کە هەستیان داگیر کردوویت و بێزاریان کردوویت.

ماسولکەکانی لەش:

دەست لە مل کردن و لەئامێزگرتنی هاوسەرەکەت، ماسولکەکانی لەشت ئارام دەکات و بەهێزیشیان دەکات، بەوەش لەشت بەشێوەیەکی باشتر توانای ڕاپەڕاندنی کارەکانی دەبێت.

هەستکردن بە ئاسوودەیی:


بەدڵنیاییەوە دەست لە ملکردن هەستی خۆشی و ئاسوودەییت پێ دەبەخشێت، ئەوەش بەهۆی بەرزبوونەوەی ڕێژەی سیرۆتۆنین لە خوێندا.

زۆرترین خوێندراوە

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure