ئه‌حمه‌د ئاوا
719 جار بینراوە 28/3/2016 11:48 PM

سەرچاوەیەکی گەشتیاری لەپارێزگای هەڵەبجە لە مەترسیدایە:



سنور میدیا _ دره‌و مه‌هدی 
بەهۆی هەڵکشانی ئاوی سەرچاوەی زەڵم، لە هاوینە هەواری "احمد ئاوا" پرد و دوکان و شوێنە گەشتیاریەکانی هاوینە هەوارەکە مەترسی ڕوخان و ژێر ئاوکەوتنی لێ دەکرێت.


ئامارەکانی ڕێژەی باران بارین لە "پارێزگای هەڵەبجە" دەڵێن:"ئەمساڵ تا ئێستا نزیکەی ٧٠٠ ملم،باران باریوە، پسپۆڕانی بواری کەشناسیش پێشبینی زیاتر دەکەن.


ئەمڕۆ لەکاتی چوونمان بۆ سەرچاوەی زەڵم لە هاوینەهەواری"احمدئاوا" مام حاجیەکی تەمەن ٨٠ ساڵمان لەگەڵ خۆمان سەر ئۆتۆمبێلەکەمان خست، ئەو یەکێک بوو لە سەرپەرشتیار و چاودێرانی کەپرە گەشتیاریەکانی هاوینە هەوارەکە، ووتی:"لەماوەی "٣٠"ساڵی ڕابردوودا ئەمە یەکەمین جارە ئاوی ئەم سەرچاوەیە ئەوەندە ڕوو لە هەڵکشان بکات".

هاوینەهەواری"احمد ئاوا" به‌ دوورى (84) كم ده‌كه‌وێته‌ خۆرهه‌لاتى شارى سلێمانى و (٢٣) کم،


لەپارێزگای هەڵەبجەوە دوورە و نزيكه‌ له‌ شارۆچكه‌ى خۆرمال، دۆلێكى سه‌وزو ره‌نگينه‌ و سه‌رچاوه‌يه‌كى ئاوى زۆرى هه‌يه‌ و به‌ ئاوى زه‌لم ناسراوه‌ له‌ بنارى چياكه‌وه‌ به‌ شێوه‌ى تاڤگه‌ ده‌رژێته‌ خواره‌و و ديمه‌نێكى سه‌رنجراكێش به‌ شوێنه‌كه‌ ده‌به‌خشێ . چه‌ندين كه‌پرو شوێنى پشوودانى بۆ گه‌شتياران لێ دروستكراوه‌.


سەرپەرشتیاری کەپرەگەشتیاریەکانی هاوینەهەوارەکە، ووتی:"ڕاستە ئەم بارانە بەرەکەتی خودایە و دڵخۆشمان دەکات بەڵام ئێستا ترسمان لێ نیشتووە کە پردی پەڕینەوە و دوکان و کەپرە گەشتیاریەکان ئاو بیبات و ئیتر ئەم هاوینەهەوارە بەکەڵکی گەشتیاری نەمێنێت، ئێرە یەکێکە لە دیاریە جوانەکان کە پەروەردگار پێی بەخشیوین".


هاوینە هەواری "احمدئاوا" ساڵانە لەوەزری گەشتیاریدا بەهەزاران گەشتیار لە ناوچەجیاجیاکانی کوردستان و عێراق و وڵاتانی ترەوە سەردانی دەکەن.


پێویستە باس لەوە بکەین کە ئەگەر لایەنی حکومی و گەشت و گوزار لە پارێزگای هەڵەبجە مشورێکی ئەم مەترسیە نەخۆن ئەوا لە ئەگەری بەردەوامی ڕێژەی باران بارین مەترسی ڕوخان و ئاوبردنی پردی پەڕینەوەکان و دوکان و کەپرە گەشتیاریەکان لە ئارادایە لە ڕۆژانی داهاتوودا.

 

زۆرترین خوێندراوە

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure