ژن و پیاو
1970 جار بینراوە 11/3/2016 11:00 PM

سوودەکانی کرداری سێکسی لەگەڵ ھاوسەری شەرعی دا‌



سنور میدیا 

سێکس ئەگەر لە بازنەی دیاریکراوی خۆیدا ئەنجام نەدرا ئەوە بێگومان دەبێتە مایەی ھاتنەئارای چەندین کێشەی کۆمەڵایەتی و نەخۆشی دەروونی و جەستەیی، بەڵام بەپێچەوانەوە ئەگەر لە بازنە و تخووبی دیاریکراوی خۆیدا ئەنجام بدرێت ئەوە سەرتاپایدەبێتە مایەی خۆشبەختی خێزان و حەسانەوەی کۆمەڵگا و بەدووربوون لە نەخۆشییە جەستەیی و دەروونییەکان. 


جا بەھۆی ئەوەی کە کرداری سێکسی لەنێوان ھاوسەراندا لەوپەڕی دڵنیایی و ئارامی و بێباکی ئەنجام دەدرێت،بۆیە سوودێکی تەندروستی زۆر بە مرۆڤ دەگەیەنێت. لێرەدا چەندین سوودی سێکسی شەرعی دەخەینەڕوو.

یەکەم: سێکسی شەرعی ھۆڕمۆنی (ئەندرۆفین) لە خوێندا زیاد دەکات و بەختەوەری لە مرۆڤدا پتر دەکات.

دووەم: بەھۆی سێکسی شەرعییەوە ھۆڕمۆنی (ئیسترۆجین) لە ئافرەتدا پتر دەبێت و جوانی و تەندروستی زیاتر دەکات و ئەم ھۆڕمۆنەش سوودبەخشە بۆ پێست و موو.


سێیەم: بەھۆی کرداری سێکسی ھەستکردن بە خۆشەویستی لەنێوان ھاوسەران زیاتردەبێت و بەمەش ھەردوولا لەشساغتر دەبن.


چوارەم: کرداری سێکسی بەر لە نووستن خەوی مرۆڤ خۆش دەکات.

پێنجەم: لە یەک جووت بووندا ٢٠٠ تا ٦٠٠  تاوەوزە (السعرات الحراریە) دەسووتێنن..ئەمەش دەکاتە بڕی ئەو تاوەوزەیەی کە ماتۆڕێک یەک کاتژمێر و نیو بڕوات بڕێوە.

شەشەم: بەھۆی کرداری سێکسی شەرعییەوە سەرئێشە سووک دەبێت کە رەنگە بە حەبی پاراسیتۆڵ لانەچێت.

حەوتەم: کرداری سێکسی بەر لە بەیانی لەو رۆژەدا ژیان خۆشتر و رۆشنتر دەکاتەوە و کاریگەرییەکی زۆری لەسەر لایەنی دەروونی ژن و مێرد دەبێت.

ھەشتەم: کرداری جووت بوون گرفتەکانی دڵ سووک دەکات، چونکە جووت بوون خوێنێکی زۆر بۆ دڵ دەنێرێت.


نۆیەم: بە کرداری سێکسی خەو بۆ ژن و مێرد بە رێژەی ٢٠% زیاد دەکات.

دەیەم: کرداری سێکسی شەرعی کاریگەریەکی زۆری لەسەر چارەسەرکردنی ناکۆکییەکان و کێشە و گرفتەکانی ھاوسەران ھەیە.

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure